ھەڕەشەی کوشتن لە کارۆخ مەلا ئەسعەد دەکرێت

ڕۆژنامەنووسی بواری ھونەری لە ڕۆژنامەی “ھەولێر” کارۆخ مەلا ئەسعەد ھەڕەشەی کوشتنی لێ دەکرێت و بە قسەی ناشیرینیش ھێرش دەکەنە سەر پارتی دێموکراتی کوردستان. لەمبارەیەوە کارۆخ دەڵێت:” ئەمڕۆ لەلایەن چەند کەسێکەوە لە وڵاتی نەرویج بە ژمارەی نەرویجی پەیوەندی پێوە دەکرێت و ھەڕەشەیەکی تووندی کوشتنی لێ دەکەن و پاشنیش بە قسەی ناشیرین ھەڵدەکوتنە سەر پارتی و سەرۆکی ھەریًمی دێمووکراتی کوردستان.

کارۆخ گوتیشی:” لەمڕۆدا زیاتر لە ١٠ جار بەم شێوەیە پەیوەندیان پێمەوە کردوەتەوە و ھەمان قسەیان دووبارە کردووەتەوە. لە ئێستاشدا ناوبراو بەڕێگای یاسایی لە ڕێگای پەیوەندیەکانی حکوومەتی ھەریم و نەرویجەوە لە ھەوڵی ئەوە دایە ھاوکات لەگەڵ پۆلیسی نەرویجی ئەم کەسانە بدۆزنەوە و ڕووبەڕووی یاساکانی ھەرێم و وڵاتی نەرویجیان بکەنەوە.