سەیوان سەعیدیان چی لە 5000 جووت پێڵاوەکە دەکا

سەیوان سەعیدیانى شێوەکار و دیزاینەر لە نوێترین پرۆژەى خۆیدا بەنیازە لەیادى کیمیابارانى هەڵەبجە پرۆژەیەکى نەتەوەیی لەو شارە بەڕێوەبەرێ. لەمبارەیەوە سەعیدیان گوتى: دوابەدواى ئەوەى لە 45 شار و شارۆچکە و لە 14/2 پرۆژەى بەنەتەوەیی کردنى سێوى مێخەکڕێژم بەڕێوەبرد، بەنیازم بۆ 16/3 لە ساڵیادى کیمیابارانى هەڵەبجە پرۆژەیەکى هونەرى و نەتەوەیی لەو شارە بەڕێوەبەرم، کە تێیدا 5000 جووت پێڵاوى جۆراوجۆری تەعبیرکەر لە 5000 شەهیدەکە بەکاردێنم و هەر لەو پرۆژەیەشدا چەندان کارى دیکەى هونەرى تێکەڵى پرۆژەکەم دەکەم، هیوادارم سپۆنسەرێکم دەست دەکەوێ و ئەو پرۆژەیە بەڕێوەببەم.

شیاوى گوتنە سەیوان سەعیدیان جگە لەو کارە هونەرییانە تا ئێستا چەندان کارى گەورەى دیزاینى ئەنجامداوە.

مەسعودى مەلا هەمزە