جریوه‌ی ئازادی

به‌ندی عه‌لی .. به‌هاری 2011

پاساریه‌کان

هه‌رگیز له‌جریوه‌ ناکه‌ون

تا دڵه‌ گچکۆله‌کانیان

زه‌نگی زینده‌گیان تیا بێ

چونکه‌ ئه‌وان

به‌ئازادی هه‌ڵئه‌تروکێن

کام دره‌ختیشیان به‌دڵ بوو

ئه‌یکه‌ن به‌نیشتمانی عیشق و

به‌گۆڕه‌پانی ئازادی

ده‌سا ئه‌ی ڕاوچیی مه‌رگباز

له‌وه‌زیاتر

خه‌ون به‌دوا هه‌ڵفڕینی

پاساریه‌کانی هه‌وارو

دوا چڕینی

جریوه‌یانه‌وه مه‌بینه‌

تۆ هه‌ر ڕه‌نج خه‌ساری ، ڕاوچی

ئه‌م دوا تیری که‌وانه‌شت بێ به‌هایه‌

پاساریه‌کان

هه‌رگیز له‌جریوه‌ ناکه‌ون

هه‌ر سروشتی خۆیان وایه