ئه‌حمه‌د محه‌مه‌د به‌ ده‌نگی ناهید حوسێن چرای خنکاو داده‌گرسێنێت

ناوەندى ئارۆ بۆ بڵاوکردنەوە لە پەیوەندییه‌کی بە چراوە پێیڕاگەیاندین کە بەم نزیکانە نوێترین ئەلبومى شیعرى (ئەحمەد محەمەد)ى شاعیر بڵاودەکەینەوە، ئەم ئەلبومە شیعرییە بە ناوى چراى خنکاوە وچەند شیعرێکى ناسک و پڕ سۆزى ئەحمەد محەمەدى شاعیرە و لە خوێندنەوەى خاتوونى بەڕێز ناهید حسێنى یە و دیارە ئەمە چوارەم ئەلبومى شیعرى ئەحمەد محەمەدە ئێمە وەک ناوەندى ئارۆ بۆیە هەستاوین بە بڵاوکردنەوەى ئەم بەرهەمە چونکە سیدیە شیعرییەکانى کاک ئەحمەد پێشتر پێشوازییەکى زۆرى لێکراوە و زۆرترین جەماوەرى هەیە. کارى ئەم سیدیە تۆمارى دەنگ لە کوردستان کراوەو میکس لە سوید و ئێستاش لە تورکیا بە نوسخەى ئۆرجینال بەم نزیکانە چاپ دەکرێت . لە کاتى بڵاوکردنەوەیدا زیاتر روونکردنەوەى لەسەر دەدەین .

ناوەندى ئارۆ بۆ بڵاوکردنەوەى موسیک و گۆرانى