دانیا و ده‌رون..شه‌هید کردنی( سه‌رده‌شت عوسمان) مه‌حکوم ده‌که‌ن

به‌ خه‌موو په‌ژاره‌ێکی زۆره‌وه‌  پرسه‌و سه‌ره‌خۆشی له‌ خۆمان و له‌ گشت  بنه‌ماله‌ی شه‌‌هیدی قه‌له‌م جوانه‌ مه‌رگ رۆژنامه‌نوس و خوێندکاری زانکۆ کاکه‌( سه‌رده‌شت عوسمان ) ده‌که‌ین هاوبه‌شی خه‌میانین وه‌ داواکارین له‌ یه‌زدانی گه‌وره‌ جێگای به‌هه‌شتی به‌رین بێت،،، وه‌ ئه‌م تاوانه‌ قێزه‌ونه‌ په‌یامێکی تره‌  بۆ ترساندنی و کپکردنی رۆژنامه‌نوسان و هونه‌رمه‌ندان و رۆشنبیران وه‌ هه‌موو ده‌نگێکی  ئازادی خواز. وه‌ ئێمه‌ وێرای ئیدانه‌ی تیرۆرکردنی جوانه‌مه‌رگ داوا له‌ لایه‌نه‌ په‌یوه‌ندیداره‌کان و وه‌زاره‌تی ناوخۆ و به‌رپرسان ده‌که‌ین به‌دواچونێکی جیدی  بکه‌ن  بۆ دۆزینه‌وه‌ی تاوانباران ،وه‌ داوا له‌ گشت تاکێکی کورد ده‌که‌ین چیتر بیده‌نگ نه‌بن وه‌ به‌ر ئه‌م  تاوانه‌ گه‌وره‌یه‌.