هونه‌رمه‌ند دانیا علی له هه‌له‌بجه‌ی شه‌هید له دایك بوه وه له سالی 1988 به بۆنه‌ی به کارهێنانی گازی ژه‌هراوی له‌لایه‌ن رژێمی ئه‌وکاته‌وه به‌سه‌ختی بریندار بوه وه له سالی 1998 له هۆله‌ندا نه‌شته‌رگه‌ری بۆ کرا توانرا که‌مێك له ئازاره‌کانی که‌م بکرێته‌وه ،وه دوای پرۆسه‌ی ئازادی رۆخانی رژێم له دادگای هۆله‌ندی له لاهای هونه‌رمه‌ند دانیا ،علی ره‌حیم، رێباز قادر. سکالا له‌سه‌ر تاوانبار فان ئانرات بازرگانی چه‌کی کیمیاوی تۆمار ده‌که‌ن ، وه دوای پێنج سال هه‌ولدان و ماندو بونێکی زۆروه په‌یدا کردنی دۆکیمه‌ند وه زانیاری زیاتر له سه‌ر کاره‌ساته‌که دوای چه‌ن دانیشتنێك له‌لایه‌ن دادگاوه، له رۆژی سێ شه‌مه 30/06/2009 .
له شاری لاهای هۆڵه‌ندا, به ئاماده بوونی هه‌ر 3 قوربانی سكاڵاكه‌ر شایه‌ت حالی کاره ساتی هه‌له‌بجه “هونه‌رمه‌ند دانیا علی، عه‌لی ڕه‌حیم ,,ڕێباز قادر” و خاتوو زێخفێڵفد پارێزه‌ری قوربانیان و ته‌واوی هه‌ڵسوڕاوانی دۆسیه‌ی ئانرات له كورد و هۆڵه‌ندی ,ئه‌وانه‌ی ماوه‌ی زیاتر له 5 ساڵه كارێكی زۆریان بۆ سه‌رخستنی ئه‌م دۆسیه‌یه ئه‌نجامدا,دادگای ئانرات به‌ڕێوه‌چوو و دوا بڕیار به 16 سال و نیو تاوانبار فان ئانرات سزا درا .ناوبراو تاوانبار كراوه به هاوبه‌شیكردن له ئه‌نجامدانی تاوانی جه‌نگ.
ئه‌مه‌ش سه‌ركه‌وتنێكی گه‌وره‌یه بۆ ناساندنی ئه‌و تاوانانه‌ی دژ به گه‌لی كورد ئه‌نجامدراوه, لێره‌وه پیرۆز بایی له قوربانیان و سكاڵاكه‌ران و شایه‌دحاڵه‌كان و له ناوه‌ندی چاك”” و ته‌واوی هه‌ڵسوڕاوانی دۆسییه‌كه ده‌كه‌ین,بێشك چاك كارێكی باش و به به‌رهه‌می له‌م په‌یوه‌نده‌دا ئه‌نجامدا له سه‌ره‌تای پرۆسه‌كه‌وه, له پاڵ پارتی سۆسیالستی هۆڵه‌ندی و هه‌ردوو داواكاری گشتی فرێد ته‌یفن و مینكس و ڕۆژنامه‌نووس ئارنۆڵد كۆمیته‌ی هه‌ڵه‌بجه و هه‌موو ئه‌وانه‌ی ڕۆژێك له ڕۆژان ئاماده‌ی دادگاییه‌كه بوون.
