پاش ئه‌وه‌ى بریار بوو مۆزیك گروپ گه‌وره‌ترین یاد بۆ مه‌رزه ریك بخا له سلێمانى، به‌ڵام به‌هۆى ئاماده‌نه‌بونى بنه‌ماڵه‌ى ره‌زازى و له‌یلا فه‌یقى، ئه‌و یاده ئه‌نجام نه‌درا، ئێواره‌ى رۆژى یه‌ك شه‌مه 18-9-2011 له گردى سه‌یوانى شارى سلێمانى و له دوا مه‌نزڵگه خاتوونى هونه‌رمه‌ند مه‌رزیه فه‌ریقى،
به ئاماده‌بونى بنه‌ماڵه‌ى فه‌ریقى و مۆزیك گروپ ئه‌و رۆژه به‌رز راگیرا و یادى مه‌رزه كرایه‌وه، شایه‌نى باسه هه‌ریه‌كه له میهرى فه‌ریقى و ئه‌سعه‌د فه‌ریقى وكاك سدیق باوكى مه‌رزه و چه‌ند كه‌سانى تر له بنه‌ماڵه‌ى فه‌ریقى له‌گه‌ڵ مۆزیك گروپ ئاماده بوون ، له‌و یاده وتارى بنه‌ماڵه و مۆزیك گروپ پێشكه‌ش كرا، هه‌روه‌ها 3 خه‌ڵاتى رێزلێنان پێشكه‌شى بنه‌ماڵه كرا له لایه‌ن مۆزیك گروپه‌وه، له م باره‌یه‌وه هاوكار نامۆ به‌رپرسى مۆزیك گروپ نیگه‌رانى خۆى راگه‌یاند كه نه‌یانتوانیوه یادێكى به‌رفراوان و شایسته رێك بخه‌ن كه شایه‌نى گه‌وره‌یى مه‌رزیه بێت، ئاماژه‌ى به‌وه‌ش كرد كه 3 خه‌ڵاتی رێزلێنانیان پێشكه‌شى بنه‌ماڵ كردووه له‌گه‌ل ئه‌لبومێكى گۆرانى ئۆریجناڵ كه سه‌رجه‌م گۆرانى یه‌كانى مه‌رزیه فه‌ریقى و له‌یلا فه‌ریقى له خۆ ده‌گرێ، هه‌وه‌ها رێز لێنان له ئه‌ستێَره‌ى بێده‌نگ له‌یلا فه‌ریقى و هاندانێك و پشتگیریه‌ك بۆ ئه‌وه‌ى بگه‌رێته‌وه بۆ نێو دونیاى هونه‌ر، هاوكار نامۆ ئاماژه‌ى به‌وه‌ش كرد كه مه‌رزه سلێمانى هه‌ڵبژارد وه‌كو دوا مه‌نزڵگه‌ى خۆى و له نیشتیمانى دایك و نیشتیمانى مناڵى خۆى بێ به‌رى كرد، بۆیه ئێمه خۆمان به به‌رپرس ده‌زانین و مه‌رزه ئامانه‌تى سلێمانى یه و هه‌میشه ده‌یپارێزین و یادى ده‌كه‌ین، هه‌میشه له دڵو ده‌رونى ئێمه‌دا زیندووه، چونكه دڵ و ده‌رونى ئه‌و هه‌میشه ئێمه‌ى تێدا بوین، هه‌وه‌ها باوان رزگار به‌رپرسى هونه‌رى مۆزیك گروپ رایگه‌یاند كه مه‌رزه به ته‌نها موڵكى بنه‌ماڵى فه‌ریقى یان ره‌زازیه‌كان نى یه، به‌ڵكو موڵكى هه‌موو كوردێكن و كوردان قه‌رزارى خه‌بات و شۆرشى مه‌رزیه فه‌ریقین، هه‌روه‌ها له‌یلا داواى لێبوردنى كرد وله‌به‌ر چه‌ند هۆكارێكى تایبه‌تى نه‌یتوانى ئماده‌ى ئه‌و یاده بێت،
وێراى سوپاسى بنه‌ماڵه بۆ مۆزیك گروپ، به وتنه‌وه‌ى چه‌ند گۆرانى یه‌كى مه‌رزه كۆتاى به یاده‌كه هات، شایه‌نى باسه مه‌رزیه فه‌ریقى
، ناوی ته‌واوی “مه‌رزییه شه‌هاب عه‌بدوڵڵا”یه، له ڕێكه‌وتی 1958.05.22 له شاری مه‌ریوانی ڕۆژهه‌ڵاتی كوردستان چاوی به‌ژیان هه‌ڵهێناوه،
له ڕۆژی 2005.09.18دا له كاژمێر 11ی پێش نێوه‌ڕۆ به‌كاتی ئه‌وروپا، له ستۆکهۆڵمی پایته‌ختی سوێد ماڵئاوایی له مۆسیقا و هونه‌ر كردوو و بۆ هه‌تاهه‌تای به‌جێیهیشتین و له شاری سلێمانی له‌سه‌ر داوای خۆی به‌خاك سپێدرا
مۆزیك گروپ
