ژیا میوزیک کۆنسێرتێک سازدەکەن

مەسعودی مەلا ھەمزە :دوای دامەزراندنیان و لە دەستپێکی کارە ھونەرییەکانیان گروپی ژیا میوزیک لەمیانی یەکەمین فێستیڤاڵی کورتەفیلمی لاو کۆنسێرتێکی میوزیک و گۆرانی بە بەشداری ھونەرمەندانی گۆرانیبێژ فەتحی عەبدوڵڵا و ھاکان نەسرەدین سازدەکەن.

بڕوا پیرداود سەرۆکی گروپی میوزیکی ژیا میوزیک لە لێدوانێکی تایبەتدا گوتی”لەمیانی چالاکییەکانی یەکەمین فێستیڤاڵی کورتەفیلمی لاو گروپەکەمان کۆنسێرتێکی گۆرانی و میوزیکی سازدەکات، کە ھەردوو ھونەرمەندی گۆرانیبێژ فەتحی عەبدوڵڵا و ھاکان نەسرەدین بەشداری دەکەن”.
بڕوا گوتیشی”ئەم کۆنسێرتە لە چوارەم رۆژی فێستیڤاڵەکە لە ھۆڵی پێشەوا سازدەکرێ، کە دەکاتە کاتژمێر ٩:٣٠ شەوی ١٥/٨/٢٠١١”.
شایانی باسە گروپی ژیامیوزیک گروپێکی میوزیکی گەنجانەیەو ماوەیەکی کەمە دامەزراون و لە شاری ھەولێر کارەکانی خۆیان ئەنجام دەدەن.