چاڵاکیه‌کانی گروپی کیژانی سلێمانی له‌ دهۆک

زانا گه‌ڵاڵی: له‌سه‌ر بانگهێشتی پارێزگاری دهۆک ، (گروپی کیژانی سلێمانی ) به‌ سه‌رپه‌رشتی   هونه‌رمه‌ند ( ئه‌نوه‌ر قه‌ره‌داغی )  هه‌ڵده‌ستێت به‌سازدانی کۆنسێرتێک له‌ هۆڵی ڕۆشنبیری شاری دهۆک له‌ سه‌عات 7 ئێواره‌ی ڕۆژی 24/6/2010 سه‌باره‌ت به‌م کۆنسێرته‌ هونه‌رمه‌ند ئه‌نوه‌ر قه‌ره‌داغی له‌ لێدوانێکی تایبه‌تدا ڕاگه‌یاند که‌ له‌م کۆنسێرته‌ کۆمه‌ڵه‌ به‌رهه‌مێکی تازه‌ پێشکه‌شده‌که‌ن  که‌ له‌ میلۆدی دانراو و  فۆلکلۆری ناوجه‌کانی کوردستان به‌ شێوازێکی تازه‌و  به‌ ده‌نگی تازه‌ که‌  بۆ یه‌که‌م جار پێشکه‌شده‌کرێت ، سه‌باره‌ت به‌ کاره‌کانی داهاتووشیان وتی تۆمارکردنی به‌رهه‌مه‌کانمان له‌ ستۆدیۆکه‌مان که‌ ئێستا خاوه‌ن ستۆدیۆیه‌کی باشین له‌ کۆتاییشدا قه‌ره‌داغی وتی له‌ به‌رنامه‌مان دایه‌ له‌ شاره‌کانی که‌رکووک و کۆیه‌ کۆسێرت ئه‌نجامبده‌ین .

شایه‌نی باسه‌ گروپی کیژانی سلێمانی له‌ ساڵی 2003 دامه‌زراوه‌ به‌ سه‌رپه‌رشتی مامۆستا ئه‌نوه‌رقه‌ره‌داغی ، تاوه‌کا ئێستا له‌ شاره‌کانی  هه‌رێمی کوردستان چه‌ندین چالاکی هونه‌ری سه‌رکه‌وتوویان ئه‌نجامداوه‌ که‌بووه‌ته‌ جێگه‌ی سه‌رنجی خه‌ڵکی کوردستان