“نە ناسینت وەک ناسین بوو نە وونبوونیشت ونبوونە”

کارزان دوکانی
پایزێکم پێ شک نایا گەڵای ھێندە وەراندبێ
باوەڕ ناکەم ئەم ڕۆژگارە چەپۆکی وای وەشاندبێ
ئەو دەھرەی تۆم تێداناسی ئەو ڕۆژگارەی تۆی تیا وونبووی
ھەمووی خەونێکی ئاڵۆزە ، نازانم چۆن ھاتی و چۆن

چووی
نە ناسینت وەک ناسین بوو ، نە وونبوونیشت ونبوونە
گەر ئەمە بە عیشق دانێی ماڵوێرانی و تێداچوونە
باوەڕ بکە وەک مناڵێک گڕووم گرتوە بەم ژیانەوە
لە زەجری وونبوونی تۆدا زۆر نزیکم لە توانەوە
پێش تۆ زۆری دیم ناسیون ، زۆر نیگا دڵمیان بردووە
بەڵام چێژی ئەم ئەوینە دڵمی ئالوودە کردووە
من ھەر دەبێ بت دۆزمەوە ، نەت دۆزمەوە خۆم ون دەبم
دەبێ پایز تێپەڕێنم ئەگینا سەراوبن دەبم
دەبێ ھەر بێیتەوە دەنا دارێک بە پێوە نامێنێ
تەمی خەمی ھیجرەتی تۆ زستان بەدوای خۆی دا دێنێ