ناوی بنێین زیندان یا ولات !؟

له‌مڕۆ به‌دواوه‌ مرۆڤه‌کان ده‌ترسێندرین  ده‌تۆقێندرین  بێ ئه‌وه‌ی هیچ کام له‌ئێمه‌ ئاگامان له‌ویترمان بێت جا له‌هه‌ر کوێی ئه‌م گه‌نده‌لانی ولاته‌ پر ئێشو ئازاره‌ بین ئێمه‌ هه‌موو کات نه‌فره‌تمان له حیزبی  به‌عس ده‌کرد . ئه‌ی ئێوه‌ ناپرسن ئێستا کێ حیزبی به‌عسه‌و کێ صدام!؟  کوا  خۆ سالانیکه‌ ئه‌وان  به‌ر  نه‌عله‌تی مێژوو که‌وتون باجی خراپه‌ی خۆیان وه‌رگرت له‌ئێستای  ئه‌مڕۆماندا ڕووداوه‌کان به‌رچاو ترو چڕتر ده‌بینرین،

هه‌ر ده‌سه‌ڵاتدارێ صه‌دامێکه‌ بۆ خۆی بێ ئه‌وه‌ی فه‌قیرو هه‌ژار  بتوانن له‌ به‌رده‌می خاوه‌ن شکۆدا بڵێن له‌ل، ئیتر له‌و ساته‌وه‌ ون ده‌کرێت و بێسه‌رو شوێن ده‌کرێت و ناوی له‌ ناو  په‌رتوکی خانه‌واده‌که‌شی ده‌سڕدرێته‌وه‌. ئێمه‌ی کورد خۆمان خۆخۆرین  هه‌ر له‌دێر زه‌مانه‌وه‌ کاتێ ده‌سه‌ڵاتی ئاغاو میرنشینه‌کان بووه‌ هه‌ر میرنشین و ئاغایه‌ سه‌ر به‌ ده‌وڵه‌تیکی جیا بووه‌ هه‌تا کوردستان گه‌یشت به‌و کوردستانه‌ی که‌وا ئیستا تێیداین و  کراوین به‌ چوار به‌شی نایه‌کسانه‌وه‌ له‌گێژاوی ئازاره‌کانی خۆمان و خانه‌واده‌کانمان ڕۆژانه‌ ون ده‌کرێین و ڕاپێچ ده‌کرێین ناتوانینن به‌ هه‌موو ده‌سه‌ڵات  به‌هه‌موو قه‌وموو قیله‌کان که‌رکوک ڕزگار بکه‌ین له‌چنگ ده‌ستی بێگانه‌و جار جار وڕێنه‌  ئه‌که‌ین له‌به‌رده‌م هه‌موو که‌ناڵه‌ بیانیه‌کاندا ده‌ڵێین که‌رکوک شارێکی فره‌نه‌ته‌وه‌یه‌،  به‌لام بۆ ڕاستییه‌کی  ناخی دڵمان هه‌زاران هه‌زار جار خۆزگه‌ ده‌خوازین ناتوانین ئازادانه‌ ڕای خۆمان ده‌ربڕین. ئه‌وه‌ی  له‌ناو هیزرو مێشکی ئێمه‌دایه‌ له‌سه‌ر دوو توێی لاپه‌ڕه‌ی رۆژنامه‌و گۆڤاره‌کاندا بینو‌سین  له‌پڕ هه‌مزاغایه‌ک قوت ده‌بێته‌وه‌ ناوێکی  بۆ داده‌نێت  به‌و بیانوانه‌وه‌ ئه‌شکه‌نجه‌و ئازار توشی ململانێت ده‌که‌ن.

 له‌م سالانای ئێستاماندا زۆرترین ڕۆژنامه‌نوس و نوسه‌رمان دیار نه‌ماون که‌سیش خۆی ناکات به‌ به‌رپرس لێیان ئایا  تۆ بڵێی هه‌تا ئێستا خێوه‌کانی صدام مابن له‌باتی ئه‌و حوکمی وڵاتی گرتبێته‌ ده‌ست!؟  یاخود وه‌ک ده‌ڵێن جنۆکه‌ هه‌یه‌و  یا دیوار گوێی هه‌یه‌ که‌ئه‌مانه‌و چه‌نده‌ها وشه‌ی تر که‌هه‌ر له‌منداڵییه‌وه‌ پێی تۆقێندراوین و ئه‌شکه‌نجه‌دراوین هه‌تا ئه‌م ساته‌ وه‌خته‌ش له‌مێشکوو دڵماندا پاشماوه‌ی ماوه‌ته‌وه .

له‌مێژووی هه‌ر نه‌ته‌وه‌یه‌ک ترس و تۆقان هه‌بێت بێگومان بن ئازادی ڕاده‌ربڕینی تاکه‌که‌سیش نابێت. ولات له‌باتی بۆ پێشه‌وه‌ هه‌ر به‌ره‌و دواوه‌ زه‌مه‌ن چه‌رخی خۆی ده‌گێڕێت، نه‌ووڵاتمان ده‌بێت و نه‌ ئاڵاو نه‌ نه‌خشه‌،‌ چونکه‌ ئێمه‌ فێر نه‌بووین واتای ڕه‌خنه‌و واتای دیموکراتی بزانین، گوێ بۆ تاک و کۆمه‌ڵ شل بکه‌ین‌ و به‌دڵ فراوانیه‌وه‌ کێشه‌و گرفته‌کانیان بۆ چاره‌سه‌ر بکه‌ین هه‌تا به‌ هه‌موان به‌یه‌ک قۆل و بازوو نیشتیمانمان دروستکه‌ین له‌ده‌ستی بێگانه‌و دراوسێ نه‌جاتمان بیت.