شعرێك دەنووسم بۆ باڵات شياوبێ

شعرێك دەنووسم بۆ باڵات شياوبێ
لەسەرپەڕِەى گوڵى سونبول
بۆ ئەوەى ئازارت نەدا
تيايدا باسى باڵات ئەكەم
وەك لاولاو و شمشاڵ
تا خەڵك بتناسێ
باسى چاوەكانت ئەكەم
چونكە چاوەكانت وەك دوو خۆرن
لەيەك ئاسماندا
كەهيچ شەو بەسەرياندا نايەت
هێندە باسى باڵات و چاوەكانت دەكەم
تاوەكو بێزار ئەبم لەم شيعرە
ئەوەى بيخوێنێتەوە
بزانێ لەگەڵ تۆ
دەدوێم
تۆش ئەوەندە بمسووتێنە
تا بەكەڵك ژيان نايەم
ئەوەندە ئازارم بدە
تاوەكو بێزار دەبى
ئەوكات من و تۆ
وەكوو يەك دڵخۆش دەبين
من بە زمانى گوڵ و تۆش ئاگر

حەمرین احمد خورشید‬