سەندیکای ھونەرمەندانی کوردستان و کۆمەڵەی سینەماکارانی کورد کاری ھاوبەش دەکەن

مەسعودی مەلا ھەمزە: لەبارەگای ئەنجوومەنی سەندیکا نەقیبی سەندیکای ھونەرمەندانی کوردستان پێشوازی کرد لە وەفدێکی کۆمەڵەی سینەماکارانی کورد و گفتوگۆیان لەمەڕ چەند پرسێکی گرنگی ئەمڕۆی سینەماکرد.

لەم دانیشتنەدا کە ھەریەک لە نیاز نوری نەقیبی سەندیکای ھونەرمەندانی کوردستان و حەمەسوار عەزیز سەرۆکی ناوەندی فیلمسازی ھەولێر و شەوکەت ئەمین سەرۆکی کۆمەڵەی سینەماکاران و حەسەن عەلی ئەندامی کۆمەڵەکە ئامادەیبوون ھەردوو گفتوگۆیان کرد لەبارەی کێشەکانی ئەمڕۆی سینەمای کوردی و بیریشیان لەرێگاچارەو ھۆیەکانی چارەسەری کێشەکان کردەوە. ھەر لەو دانیشتنەدا نەقیبی ھونەرمەندان بەڵێنیدا کە ئەوان وەک سەندیکا ھەرچیان لەدەستبێت ئامادەن بیکەن بۆ سینەماکاران.