سێ فیلمی سینەمای کوردی لەکۆی 8 خەڵات 5خەڵاتی سینەماییان بەدەست هێنا

هەولێر/زریان خەتاب : دوای بەرێوەچوونی یەکەمین فیستیڤاڵی نێودەوڵەتی عێراق و دراوسێکانی لە4/12/2010بۆفیلمی سینەمایی کەبۆماوەی 5 رۆژ لە بەغدای پایتەختی عێراقی فیدراڵ بەرێوەچوو و بەرێوەبەرایەتی سینەمای کوردی بە 3 فیلم بەشداری لە و فیستیڤاڵەدا کردوو توانی ئەنجامێکی باش و دەستکەوتی سینەمای بەدەست بێنێت.

لەکاتی گەرانەوەی  وەفدی سینەمای بەرێوەبەرایەتی گشتی سینەمای هەرێمی کوردستانیش بۆ شاری هەولێر پێش نیوەرۆی دوێنێ 9/12/2010 لەلایەن نوێنەری وەزیری رۆشنبیری و لاوانی حکومەتی هەرێمی کوردستان و ژمارەیەک لەدەرهێنەر و سینەما کار و مامۆستا و خوێندکارانی سینەما و دەزگاکانی راگەیاندن پێشوازی لێکران،لەلێدوانێکیشیدا بۆ دەزگاکانی راگەیاند ناسر حەسەن بەرێوەبەری گشتی سینەمای هەرێمی کوردستان رای گەیاند کە بۆیەکەمین جارە فیستیڤتاڵێکی لەو جۆرە فراوان بە بەشداری فیلمی سینەمایی کوردی و عێراقی و تورکی و ئێرانی بەسەر کەوتووی بەرێوەدەچێت،وتیشی:بەرهەمە سینەمایەکانی کوردیش کە سێ فیلمی سینەمایی بوون لەکۆی 8 خەڵاتی گشتی فیستیڤاڵ 5 خەڵاتی گەورەی فیستیڤاڵیان بەدەست هێنان کە سەرکەوت ن و دەست کەوتێکی گەورەیە بۆ سینەمای کوردی.
ناسر حەسەن ئاماژەی بەوەشدا کە:پێشبرکێیەکە لەنێوان 10 فیلمی کوردی و عێراقی و ئێرانی و تورکی بوو کە سێ فیلمی کوردی بەشدار بوون لەئەنجامی فیستیڤاڵ و بەپێی هەڵسەنگاندنی لیژنەیەکی پسپۆر و شارەزا لە کار و باری سینەماسازیدا،سێ فیلمە کوردیە بەشدارەکە بەناوی(شوێنێک بۆیاری لەدەرهێنانی شەوکەت ئەمین کورکی و (سرتە لەگەڵ با)ی شەهرامی عەلی دی و گەرەکی داهۆڵەکانی حەسەن عەلی لەکۆی 8 خەڵاتی فیستیڤاڵ 5 خەڵاتیان بەدەست هێنا،خەڵاتەکانیش بریتی بوون لە
1/خەڵاتی باشترین ئەکتەری فیستیڤاڵ بۆ عومەر چاوشین لەفیلمی سرتەلەگەڵ با
2/خەڵاتی باشتر وێنەگر بۆ(تورەت ئەسلان) لە فیلمی سرتە لەگەڵ با
3/خەڵاتی باشترین دەرهێنان بۆ (شەوکەت ئەمین کورکی) لە فیلمی شوێنێک بۆیاری
4/خەڵاتی دووەم فیلمی فیستیڤاڵ بۆ فیلمی شوێنێک بۆیاری لە دەرهێنانی (شەوکەت ئەکین کورکی)
5/خەڵاتی سێیەمین فیلمی فیستیڤاڵ بۆ فیلمی گەرەکی داهۆڵەکان لە دەرهێنانی (حەسەن عەلی)