سنور ناونیشانی نوێترین ئەلبومی ھونەرمەند رۆژینە

ھەولێر/زریان خەتاب : رۆژین کچە ھونەرمەندی کوردی باکور لەدواین کاری ھونەری خۆیدا،کۆتای بەئەلبومی سنور ھێناو،وابریارە بەم نزیکانە وەک نوێترین ئەلبومی خۆی لە تەواوی کوردستانی گەورە  و ئەورپاو دەرەوەی وڵات بڵاوبکرێتەوە.

لە لێدوانێکیدا ھونەرمەند رۆژین وتی:لەدواین کاری ھونەری خۆمدا کۆتایم بەئەلبومی سنور ھێنا کەلە ١٥ تراکی گۆرانی پێک ھاتووە و تەواوی کارە ھونەری و موزیکیەکانی ئەلبومەکەم لەلایەن چەندین موزیک ژەن و ئەندازیاری بەتواناو بەئەزموونی موزیکی،لەئەستەمبول ئەنجامدراوە،رۆژین وتیشی:لەئەلبومی سنوردا  گۆرانی مھابادم بەزاراوەی سۆرانی وتۆتەوە و زۆربەی گۆرانیەکان لە ئاوازی خۆمە و لەماوەیەکی نزیکدا لەتەواوی کوردستان و دەرەوەی کوردستان بڵاودەکرێتەوە و دوای بڵاوکردنەوەی ئەلبومەکەش کار بۆ کلیپ کردنی چەند تراکێکی ئەلبومەکەم دەکەم.رۆژین زیاتر وتیشی:ناونیشانی سنور وەک ناوی ئەلبوومەکەم بۆئەوە دەگەرێتەوە،کەئەلبومەکەم پەیامی سنور بەزاندن  و نەمانی سنوری پێیە،بۆھەموو تاکێک،کەسنورەکان بەھەموو رووە جۆراوجۆرەکانیان،لەبوارە جیاکاندا،رێگرن لەبەر دەمیان لەپێناو بەدیھێنانی ھیواو خولیاو ئارەزووەکانیان.