دەسەڵات بەرپرسیارە لەتێکبەردانی هونەرمەندان

تکایە گەر قسەتان لەسەر ئەم هونەرمەندانەی خوارەوە هەیە کەوا وەک نمونە ناومان هێناون ئەوا زۆر سوپاس گوزار دەبین ڕاشکاوانەو بەزمانێکی سەردەمیانە بۆچونی خۆتان دەرببڕن وهەروەها ئێوەی بەرێزیش ئازادن لەوەی گەر ناوی هەرهونەرمەندێکیتر بەپێویست دەزانن باس بکەن بەتایبەتی ئەوانەی ناو لیستی 694 کەسەکەی وەزارەتە سەیرو سەمەرەکەی ڕۆشنبیریدا.

1/زیاد ئەسعەد
دەسەڵات لەسەر حیسابی هونەرمەند زیاد ئەسعەد چەندین هونەرمەندیتر دەباتە پێشێ و بگرە چەندین بیناو ئاپارتمانیشیان بەناوەوە دەکات ، کەچی کاک زیاد کرێچی نێوچواردیواری ژورێکی بچوکی وڵاتی تاراوگەیەو تاسەرئیسقان یاخی و هەست بریندارە ، ئێمە پێمان وایە گەر کاک زیاد هەر کەموو کوڕیەکی لەژیان و کەسایەتیدا هەبێت وەزارەتی بەناو ڕۆشنبیری بەرپرسی یەکەمە لەهۆکارەکانی ئایندەی ژیانی ئەم هونەرمەندە ، لەبەرئەوەی چۆن سامانی نیشتیمانی دەبێت پارێزگاری لێبکرێت بەهەمان شێوە ئەم دەنگە بەسۆزەی کاک زیادیش پێش ئەوەی مولکی خۆی بێت ئەوا ئەویش وەک هەرمولک و سامانێکی نیشتیمانی هی هەموانە ، بێدەنگ بون لەئاست چارەسەرنەکردنی کێشەکانی هونەرمەندێکی گەورەی وەک زیاد ئەسعەد غەدرێکی ئێجگار گەورەیە لەلاپەڕەی مێژوی هونەری کوردیدا .

2/ ئەردەلان بەکر
هونەرمەندی جوانەمەرگ ئەردەلان بەکر یەکێکە لەو هونەرمەندە ڕەسەنانەی کەوا دەسەڵات هۆکاری سەرەکی مردنەکەیەتی ئەویش بەهۆی گرینگیدانی دەسەڵات بوو بەهونەرمەندانیتر لەسەرحیسابی کەسانیتری وەک و ئەودا ، هەربۆیە جوانەمەرگ لەوسەردەمەدا تەنها ڕێگای یاخیبون و بێهودەیی و خۆئازاردان دەکات بەمیوانی هەمیشەیی و لەکۆتادا زۆر بەداخەوە بەحەزرەتەوە سەردەنێتەوە.

3/ زەکەریا عەبدوڵا
وێڕای خۆشحاڵی زۆرمان بەوەی کەوا هونەرمەند زەکەریا عەبدوڵا لەلایەن دەسەڵات ژیانێکی ڕەهای پێشکەش کراوە بەڵام لەهەمان کاتدا نیگەرانین بەوەی دەسەڵات هۆکارێکە کەوا ئەمڕۆ کەسایەتی و پێناسەی ناوی کاک زەکەریا لەهونەرمەندەوە دەگۆڕێت بۆ تاجیرو سەرمایەدارێکی لاسایی کەرەوە لەشێوەی دەسەڵاتێکی بێبەزەیی بەرامبەر بە هەواداران و خۆشەویستانی ، هەر ئەم ڕەفتارانەی کاک زەکەریاش بونەتە هۆی ئەوەی لەلایەن خەڵکەوە وەک بەرژەوەندچیەک سەیری بکەن نەک هونەرمەند ، لەهەمان کاتیشدا هەوڵدانی هونەرمەندانیتر بۆ ئەوەی بەهەمان مۆدیلی کاک زەکەریا گوزەربکەن ڕۆژانە لەپێشبڕکێیەکی زۆر بێتام و ناتەندروست هەنگاوەکان دەنێن ، ئەگینا خۆزگە هەموو هونەرمەندان ستایش و ژیانێکی ڕەهایان پێشکەش دەکرا.

4/ ڕەشاد و کوردە
ڕەشاد حوسێن ی دوێنێ و ڕەشاد و کوردە ی ئەمرۆ بەهۆی بونی ڕەخنە ، تەنز ، هەڵوێست بەدرێژایی چەندین ساڵ لەژیانی هونەریدا زۆرینەی کاتەکان سەربازێکی ونبون لەنێو جیهانی میدیای کوردیدا هەربۆیە بۆ زیاتر ئاشنایەتی و باس و وەسفی زیاتری بەندە بۆ خوێنەرانی بەڕێز بەجێدەهێلین.

5/ هەڵکەوت زاهیر
ئەگەرچی لاریمان لەتواناکانی هونەرمەند هەڵکەوت نیە بەلام بەداخەوە زۆربەی بەرهەمە هونەریەکانی وەک مریشکێک وان هێلکەکانی بۆ خەڵکی و چیقنەکانیشی بۆنەتەوەکەی ، ئەمەش دیسانەوە بەهۆی ڕێگا پێدانی ئەو دەسەڵاتەیە کەوا بۆ بەرژەوەندی بەکارهێنانی ئەم جۆرە کەسانە چوار فەسڵەی ساڵیان بۆ دەکاتە بەهارێکی هەمیشەیی.

6/ فەرهەنگ غەفور
سرودی من شەڕم ناوێ لەلایەن هونەرمەند فەرهەنگ غەفور لەو سەردەمەدابوو کەوا هێزی سەوز ئیدارەی پایتەختی دەکرد ، کاتێ هاوکێشەکە گۆڕا بەقودرەتی قادر کاک فەرهەنگ یش گێرەکەی گۆڕی و ئەمجارەیان بۆ هێزی ئیدارەی زەرد بوە بەچاوساغ و بەکەیفی مەزاجی خۆی مامەڵە بەپۆستی گشتی دەکاو لەژێر ناوی ناساندنی هونەرو کلتوری کوردی بەجیهان هەر ڕۆژەو لەوڵاتێکی ئەوڕوپی لەسەر خەزینەی لێدە عەلۆ برنجەی میلەت کەیف و سەفا دەکات ، ئەمەو جگە لەوەش مامەڵەکانی وەک کەسێکی زۆر لەخۆبایی بەرامبەر بەگەنجان دەکات و وەڵامی کەسیش ناداتەوە بۆ ئەم مەبەستەش چەندین بەڵگەی سکاڵای گەنجە بێنازەکانمان لەبەردەستدایە. ئەم خۆبەزل زانینەی کاک فەرهەنگ یش کێ بەرپرسە بێگومان هەردەسەڵات و هەر دەسەڵات.

7/ ئەحمەد سالار
بەهۆی ڕێگەپێنەدانی پەیکەرێک بۆ مامۆستای گەورە هونەرمەند ئەحمەد سالار لەسلێمانی کەچی بەداخەوە هەولێر پەیکەرەکەی لەباوەش گرت ، ئەمەش خۆی لەخۆیدا سوکایەتی کردنە بەهونەرمەندە بەرزەکانمان کەوا بونەتە قوربانی دەستی هێزە جیا جیاکانی ناو دەسەڵات.

8/
خوێنەری بەڕێز تۆش ئازادیت گەر بەپێویستی دەزانیت باس و پیناسەی هەر هونەرمەندێکیتر لێرەدا بکەیت بەڵام تکایە هەوڵبدە بەزمانێکی سەردەمیانە بێت.

ڕەشاد