خەباتى مەولودى دیسان دێتەوە باوەشی کوردستان

مەسعودى مەلا هەمزە ; دواى ماوەیەکى زۆر، لە ئێستادا هونەرمەند خەباتى مەولودى بەگەشتێکى هونەرى دەگاتە کوردستان و لەو گەشتەیدا بەنیازى ئەنجامدانى چەند چالاکییەکى هونەرییە.  لەم گەشتەدا کە هونەرمەند هاوشانى دەرهێنەرى بوارى کلیپسازى سلێمان رەحیمى دێتە کوردستان، وێڕاى سازکردنى چەندین کۆنسێرت و ئاهەنگ و دیدارى رۆژنامەوانى بەنیازە چەند گۆرانییەکیش کلیپ بکات.

لەمبارەیەوە خەباتى مەولودى لە لێدوانێکدا وتى”لەهاتنە کوردستانى ئەمجارەمدا بەنیازم چەند چالاکییەکى هونەرى ئەنجام بدەم و چەند گۆرانییەکیش تۆمار و کلیپ بکەم، هەروەک دوورکەوتنەوەم لە جەماوەرى کوردستان بەکارى هونەرى پڕ دەکەمەوە و دێمەوە باوەشیان”.
شایانى باسە خەباتى مەولودى وەک هونەرمەندێکى دیارى رۆژهەڵاتى کوردستان خاوەنى چەندین ئەلبووم و بەرهەمى جوان و دانسقەیە.