بەیادی تۆ بۆ مەرگی تۆ

شێرکۆجەلال : مردن ئەوکۆستە گەورەی نە مرۆڤەکان دەناسێت نە تەمەن  مردن ئەو ئەهریمەنەی هەرکاتووساتێک هەرچرکەو کاتەوەختێک بیەوێت دەبێتە میوانمان مردن ئەو قۆنتەراتەی لەگەڵ یەکەم چرکەی لەدایک بوونمان ئیمزای دەکەین مردن ئەولافاوە کوشندەیەی جیاوازی ناکات لەنێوانی هەژارێک و پادشایەک لەنێوانی ئازاد خوازێک و درندەو دیکتاتۆرێک مردن ئەوعەبەسەی کەس تێی ناگات

بەڵام  مردن تۆ ئەو میوانە کوشندەیەی بەرلەوەی شتە ناشیرنەکان ببیتەوە شتە جوانەکانمان لێدەسێنیتەوە هەروەکی پارچۆن دەنگە خۆشەکەی ئەردەلانت کپ کردوولەگەڵ دێوەزەمەی خۆت بردت ئەوەئیمڕۆش دەستت خستە بێنە قاقای دەنگێکی تری پڕلەسۆزۆ پڕلەهاواری ئازادی و بەرخۆدان تانەتخنکاند وازت نەهێنا تۆ دەتزانی ئەوناوی حەمە جەزایە ئەوگوڵوگوڵزارێکە پڕلەبۆنی خۆش پڕلە ئاوازی ڕە سەن و پڕلەخۆشەویستی بەڵام هەرکوشتت مردن تۆهەرئەوت نەکوشت هەزاران دڵی ترت کوشت هەزاران بیرەوەریت هەژاند دەباهەربەیادت بیرەوەریت بگێڕمەوە لەساڵانی حەفتاکان کە من تەمەنم هەر شانزە بەهاربوو گەنجێکی بزێوبووم دەستم بۆزۆر لایەنی هونەری دەبرد لەوانە مۆسیقا وشێوەکاری گۆرانی هەرلەوساڵانە دەنگۆیەک لە هەولێر بڵاوبۆوە کە یەکێک  لە هونەرمەندەکانی شاری سلێمانی گەیشتۆتە شاری هەولێرودەشیەوێت هەرلەوشارە بمێنێتەوە ناویشی حەمە جەزایە و دەنگێکی زولالی هەیە زۆر بەحەسرەت بووم بە زووترین کات بیبینم و بیناسم ڕۆژێک بە ڕێکەوت هونەرمەندم لەبەردەرگای ماڵی هونەرمەندی خوا لێخۆش بوو ڕەسول بێزارگەردی بینی بەبێ شەرم لێی چوومە پێشوو خۆم پێی ناساند هەرلەوکاتەش بڕیاروابوو بەبۆنەی یادی یەکیەتی قوتابیانی کوردستان ئاهەنگێک بگێڕین لە گەڕەکی تەیراوە لە یەکێک لە قوتابخانەکانی ناوەندی کچان هەرزۆر بەپەلەوبە سادەو ساکارانە پێشنیاری کاک حەمە جەزام کرد بۆبەشداریکردنی لەو ئاهەنگە ئەو کاتە هێشتا هونەرمەند لە هەولێر بەباشی نەناسرابوو دوای ئەوەی ڕەزامەندی خۆی پیشاندا زۆر بە پەلە وەڵامەکەم بۆ هونەرمەندی نەمرکاک سەیدئەحمەد بەرزنجی بردەوە کە ئەو کەمان ژەنێکی بەتوانای ئەوکاتەبوو بەڕێوەبەری تیپی میوزیکی هونەرو وێژەی کوردی بووداوای لێکردم کەپێی بڵێم سەردانی هونەرو وێژەی کوردی بکات داواکەم گەیاند هەزارسڵاو لە کفنی سپی حەمە جەزا بە چەهچەهەی دەنگە خۆشەکەی شەوی ئاهەنگەکەی بۆڕازاندینەوە ئەوشەوە ئەوهونەرمەندانە ئامادەی ئاهەنگەکە بوون سەلام کۆیی و فەیسەل محەمەدو جەلال بەیاروسوبحی کۆیی جوانە مەرگ و نیزاری کەمان ژەن و ژمارەیەکی تری هونەرمەندان کە ناویانم بیرنەماوە لەوێ ئامادەبوون بەڵێ هەربەوجۆرە هونەرمەند حەمەجەزا نمونەی هونەرمەندکی بێفیزوهەوابەرزخۆی بە شاری قەڵاومنارە ناساندو شوێنی خۆی لەناودڵی هەولێریەکان کردەوەو بۆساڵانێکی زۆر لە هەولێر مایەوەو جگە لەکاری هونەری کاری ڕامیاری نهێنیشی دەکردو بە گۆرانی وبەهۆنراوەکانی هێمن مەهابادی و سروودەکانیشی ببوە سمبۆلێکی شۆٍٍڕش گێڕانەی ناوشاری هەولێر گەلۆ من لەساڵی هەشتاویەک هەولێرم بە جێهێشت گەیشتمە زەلێ و ناوزەنگ لەوێشەوە بەرەو فەرەنسا ڕۆیشتم هونەرمەند حەمەجەزاش ئەگەر هەڵە نەبم لەساڵی هەشتاوسێ دەگاتە توژەڵەو بارەگاکانی یەکیەتی دوای چەند ساڵێک لە پێشمەرگایەتی کوردستان بە جێدەهێلێت و دەگاتە وڵاتی دانیمارک و ژیانی تاراوگە هەڵدەبژێرێت کەم یان زۆر ئاگاداری دەنگ و باسی هونەرمەند بووم لە هەندەران بەڵام بەداخەوە جارێکی تر بە دیداری هونەرمەند شاد نەبوومەوە ئەگەر
چی چەند جارێک سەردانی تیڤیەکەی ئێمەی کرد بەڵام وا پێدەچێت یەزدانی مەزن ئەوهەلەی نەڕەخساند بە دیداری شاد ببمەوە هەزاران سڵاو لە ڕۆحی پەپولەت ئەی هونەرمەندە دەنگ خۆشوو شۆڕش گێٍڕو بەوەفاو ڕۆح سوکەکەم ….