بریارعبدالرحمن: ” كه‌سی بێژه‌رپێویسته‌ باگراوندێكی رۆشه‌نبیری هه‌بیت و به‌رده‌وام بخوێنێته‌وه‌

بریارعبدالرحمن له‌دایبووی ساڵی 1990شاری رواندزه‌،َ گه‌نجێكی به‌هره‌مه‌نده‌ له‌ بواری ڕاگه‌یاندندا،ئه‌ندامی كارای سه‌ندیكای ڕۆژنامه‌نووسانی كوردستانه‌ وماوه‌ی دوو ساڵ له‌ رادیۆی ئازای له‌ سۆران وه‌ك بێژه‌رێكی سه‌ركه‌وتوو چه‌ند به‌رنامه‌یه‌كی پێشكه‌ش كردووه‌،

به‌ به‌رده‌وام هه‌واڵ وریپۆرتاژ و بابه‌تی جۆراوجۆری له‌ڕۆژنامه‌كان وماڵپه‌ره‌ئه‌لیكترۆنیه‌كان بڵاوكردۆته‌وه‌،  ئێستاپه‌یامنێری رادیۆی ئازادییه‌و به‌رده‌وامیشه‌ له‌ كاری ڕۆژنامه‌گه‌ری و به‌رده‌وامیشه‌ له‌ خوێندن قوتابی پۆڵی 12ه‌ ، ئێمه‌ش له‌ نێزیكه‌وه‌ چه‌ند پرسیارێكمان ئاڕاسته‌كرد.

ئا/ياسين برايم

سه‌ره‌تا به‌م شێوه‌یه‌ باس له‌ هاتنه‌ نێو دونیای ڕاگه‌یاندنی كرد و وتی” سه‌ره‌تای كاركردنم له‌رادیۆی ئازادی ده‌ستی پێكرد هه‌ر له‌ مناڵیه‌وه‌ حه‌زو خولیایه‌كی زۆرم هه‌بوو بۆ ئه‌م بواره‌ حه‌زمده‌كرد له‌ریَِگه‌ی ڕاگه‌یاندنه‌وه‌ خزمه‌ت به‌وڵاته‌كه‌م بكه‌م وهه‌ستم ده‌كرد له‌م بواره‌ ده‌توانم خزمه‌ت بكه‌م ئه‌وه‌بوو له‌ ڕێگه‌ی هاوڕێیه‌كی به‌رێزم به‌ناوی كاك ئیبراهیم چوومه‌ رادیۆی ئازادی وله‌وێ‌ ده‌ستمكرد به‌ كاركردن خۆشبه‌ختانه‌ له‌ ماوه‌ی ئه‌ودووساڵه‌توانیم خزمه‌تێكی باش وبه‌رچاو به‌بیسه‌ران وهاوڕێیانان بكه‌م ، لێره‌وه‌ سوپاسی(كاك هه‌ژار) به‌ڕێوه‌به‌ری پێشوی رادیۆی ئازادی سۆران ده‌كه‌م زۆرهاوكارم بوووه‌ زۆرێك له‌هاورێكانیشم ده‌ستخۆشیان لێده‌كردم ئه‌وه‌ش زیاترهانی دام بۆئه‌وه‌ی په‌ره‌ به‌و بواره‌ بده‌م “.

ده‌رباره‌ی هه‌بوونی چه‌ند مه‌رجێك بۆ بێژه‌ری سه‌ركه‌وتوو وتی” كه‌سی بێژه‌رپێویسته‌باگراوندێكی رۆشه‌نبیری هه‌بیت و به‌رده‌وام بخوێنێته‌وه‌و به‌ زانیاری نوێ ئاشنا بێت،ڕاستگۆبێت ، كه‌سێكی هێمن وله‌ سه‌رخۆبێت ، له‌گه‌ل َ ده‌وروبه‌ره‌كه‌ی به‌تایبه‌تیش له‌گه‌ڵ ئه‌وكه‌سانه‌ی كه‌په‌یوه‌ندی به‌وده‌زگایه‌وه‌ده‌كه‌ن وه‌ گرنگی به‌بواره‌كه‌ی خۆی بدات وكه‌سی بێژه‌رده‌بێت دووربكه‌وێته‌ له‌و كاروره‌فتاره‌ نه‌شیاوانه‌ی كه‌كۆمه‌ڵگا ڕقی لێیه‌تی ئه‌گه‌رئه‌م مه‌رجانه‌ له‌بێژه‌ردا هه‌بوو ئه‌وه‌ بێژه‌رێكی سه‌ركه‌وتوه‌و دڵنیاشم له‌وه‌ی كه‌خه‌ڵك به‌چاوی رێزه‌وه‌سه‌یری ده‌كه‌ن وجه‌ماوه‌رێكی زۆرله‌خۆی كۆده‌كاته‌وه‌وسه‌رنجی خه‌ڵك بۆلای خۆی ڕاده‌كێشێت “

ده‌رباره‌ی  ئه‌و كاروچالاكی و به‌رنامانه‌ی پێشكه‌شی كردوون، به‌م شێوه‌یه‌ تیشكی خسته‌ سه‌رو وتی” به‌رنامه‌ی( هێڤار) كه‌به‌رنامه‌یه‌كی ڕۆژانه‌ بوو هه‌روه‌ها به‌رنامه‌ی ئاسۆی لاوانیشم پێشكه‌شده‌كرد كه‌گوزارشتی له‌كێشه‌وگرفته‌كانی گه‌نجان ده‌كرد به‌رنامه‌كه‌ هه‌فتانه‌بوو هه‌رجاره‌ وقسه‌مان له‌سه‌رگرفتێكی تایبه‌ت به‌گه‌نجان ده‌كرد ،به‌رنامه‌ی له‌گه‌ڵ هاورێیان وبه‌رنامه‌ی میلۆدی  هه‌ردووكیان ته‌رفیهی بوون هه‌رخۆشم ئاماده‌كاریم بۆسه‌رجه‌م ئه‌وبه‌رنامانه‌ده‌كرد كه‌پێشكه‌شم ده‌كردن ، جگه‌له‌پێشكه‌شكردنی ئه‌وبه‌رنامانه‌ش هه‌ندێك جارهه‌واڵه‌كانیشم ده‌خوێنده‌وه‌ وجارجاریش له‌به‌شی ته‌كنیك وده‌رهێنانی به‌رنامه‌كان كارم ده‌كرد و  وه‌نه‌بێ‌ رۆڵی كارمه‌ندانی دیكه‌ش فه‌رامۆش بكه‌م هه‌موویان ماندووبوون وبه‌دڵسۆزی كاریان ده‌كرد هه‌مووئه‌وبه‌رنامانه‌ی پێشكه‌شم ده‌كردن ئاسووده‌بووم  له‌گه‌ڵیان  به‌تایبه‌ت به‌رنامه‌ی هێڤار به‌رنامه‌یه‌كی رۆشه‌نبیری كۆمه‌ڵایه‌تی بوو هه‌موو ئێوارانێك به‌رله‌ماڵئاوایی كردنی خۆر پێشكه‌ش ده‌كرا، ئه‌م به‌رنامه‌یه‌به‌رنامه‌یه‌ك بووزیاترباسی له‌كێشه‌وگرفته‌كانی خه‌ڵك و دیارده‌ناشیرینه‌كانی نێوكۆمه‌ڵگای كوردی ده‌كردله‌م به‌رنامه‌یه‌داچه‌ندین برگه‌ی جۆراوجۆرهه‌بوون كه‌سودێكی زۆریان هه‌بووبۆبیسه‌رانی رادیۆبه‌رنامه‌كه‌توانیبوی جه‌ماوه‌رێكی زۆرله‌خۆی كۆبكاته‌وه‌هاورێیان وگوێگران تاراده‌یه‌كی باش رازیبون له‌م به‌رنامه‌یه‌ “.

ده‌رباره‌ی داخستنی رادیۆی ئازادی  و دابڕانی له‌ هاوڕییانی به‌رنامه‌ وتی” هه‌ستێكی ناخۆشم بۆ دروست بوو ،چونكه‌ماوه‌ی دووساڵ له‌وێ‌ به‌به‌رده‌وامی كارم كرد ببووه‌ماڵی دووه‌مم كه‌رادیۆی ئازادی سۆران نه‌ماو بوو به‌رادیۆیه‌كی ئاسمانی هه‌موومان نیگه‌ران بووین، به‌ڵام له‌هه‌مانكاتیشد ابه‌جیهانیبونی رادیۆی ئازادی سه‌ركه‌وتنێكی گه‌وره‌بووهاوڕێیانی رادیۆ په‌یوه‌ندیان پیۆه‌ده‌كردین هه‌مویان ده‌گریان ،چونكه‌هاورێیه‌تیه‌كی پته‌ویان هه‌بوو له‌گه‌ڵ ئه‌م رادیۆیه‌ هه‌مویان به‌ماڵی خۆیان ده‌زانی ببوه‌ سه‌كۆیه‌ك  بۆپێگه‌یاندنی ئه‌وكه‌سانه‌ی په‌یوه‌ندیان ده‌كرد زۆربه‌یان له‌ڕێگه‌ی په‌یوه‌ندیكردنیان هه‌وڵی خۆرۆشه‌نبیركردن وخۆپێگه‌یاندیان ده‌داله‌به‌رئه‌وه‌بوو كه‌رادیۆ داخرا ئه‌وانیش زیاترله‌ئێمه‌نیگه‌ران بوون ولێره‌وه‌ رێزو خۆشه‌ویستیان بۆده‌نێرم  كه‌هه‌میشه‌هاوكارمان بوون ماوه‌ ی 15ساڵ بوو ئه‌ورادیۆیه‌ له‌و ده‌ڤه‌ردا به‌رنامه‌كانی خۆی په‌خش ده‌كرد به‌داخستنیشی نیگه‌رانیه‌كی زۆری دروست كرد لای كارمه‌ندان وبیسه‌ران وهاورێیانی”.

ئه‌و وه‌ك گه‌نجێك ده‌رباره‌ی چه‌مكی ڕق لێبوونه‌وه‌ وتی” رقم له‌خیانه‌ت و درۆ و دوورویی ده‌بێته‌وه‌ بوونی ئه‌م سێ‌ ڕه‌فتاره‌ له‌هه‌ركه‌سێكدا واتا ڕوخانی ئه‌وكه‌سه‌ ناشیرین بوونی ئه‌وكه‌سه‌ له‌ناوكۆمه‌ڵگه‌داچه‌ندان ڕه‌فتاروهه‌ڵسوكه‌وتی دیكه‌ش هه‌ن مرۆڤ له‌جوانیه‌كانی ژیان دورده‌خه‌نه‌وه‌ ده‌كرێت هه‌موومان واز له‌هه‌ركار و كرده‌وه‌یه‌ك بهێنین كه‌زیانی هه‌بێت بۆخۆمان وده‌وروبه‌رمان هه‌میشه‌به‌دوای ئه‌وكارانه‌ دابین كه‌سودیان هه‌یه‌وخزمه‌ت به‌به‌رژه‌وه‌ندی گشتی ده‌كه‌ن “.

ده‌رباره‌ی په‌یوه‌ندی خۆشه‌ویستی ئێستای نێوان كوڕو كچان بریار وتی”خۆشه‌ویستی یان بڵین په‌یوه‌ندی نێوان كچ وكوڕئه‌گه‌رله‌سه‌ربنه‌مای راستگۆیی بێت و وله‌دڵه‌وه‌سه‌رچاوه‌ی گرتبێ‌ پێموایه‌ئه‌مه‌خۆشبه‌ختی وسه‌ركه‌وتنه‌له‌ژیان، په‌یوه‌ندی ئێستای نێوان كچان وكوڕان به‌ئاقارێكی خراپدا ڕۆیشتوه‌ به‌ده‌گمه‌ن خۆشه‌یستی راسته‌قینه‌ به‌دی ده‌كرێت زۆربه‌ی بۆتێركردنی غه‌ریزه‌ی سێكسی وهه‌ندێ‌ مه‌رامی دیكه‌یه‌ ، پێویسته‌ كچان وكوڕان به‌خۆیاندابچنه‌وه‌ له‌خۆشه‌ویستی تێبگه‌ن ئه‌وسا رووبه‌رووی ببنه‌وه‌ چونكه‌زۆربه‌ی ئه‌وگه‌نجانه‌ی خۆشه‌ویستی ده‌كه‌ن له‌مانای خۆشه‌ویستی نه‌گه‌یشتوون كه‌چه‌نده‌پیرۆزه‌ به‌وته‌یه‌كی به‌ختیارعه‌لی كۆتایی به‌وه‌ڵامی ئه‌م پرسیاره‌ده‌هێنم كه‌ده‌ڵێت ( خۆشه‌ویستی راسته‌قینه‌ئه‌وه‌نیه‌حه‌زبكه‌یت له‌گه‌ڵ یاردابخه‌ویت خۆشه‌ویستی راسته‌قینه‌ ئه‌وه‌یه‌حه‌زبكه‌یت له‌گه‌ل یاردابمریت”.

له‌ كۆتایی ده‌رباره‌ی خه‌ونه‌كانی خۆی وتی: خه‌ون به‌وه‌ده‌بینم زیاترخزمه‌ت به‌ولاته‌كه‌م بكه‌م ئه‌مه‌له‌هه‌مووشتی گرنگتره‌ به‌لای منه‌وه‌  من خه‌ون به‌پاره‌و كۆشك وته‌لارنابینم خه‌ون به‌وه‌ده‌بینم كه‌هه‌مووكه‌سێك لێم رازیبێت خه‌ونی من سه‌ركه‌وتنه‌گه‌یشتنه‌به‌وئاواتانه‌م  كه‌به‌دێ نه‌هاتون وله‌پێناویان كۆشش ده‌كه‌م”.