باخان بۆ کلیپ و ئه‌لبومی نوێی ده‌گاته‌وه‌ کوردستان

هونه‌رمه‌ندی گۆرانیبێژ باخان هه‌فته‌ی ڕابردوو (28.06.2009) گه‌یشته‌ هه‌ولێری پایه‌ته‌خت. سه‌ردانی ئه‌مجاره‌شیان هه‌ر بۆ کاری هونه‌ریه‌ و کلیپکردنی چه‌ند گۆرانیه‌کێتی له‌ سیدی یه‌که‌می وه‌ له‌م سیدیه‌ چاوه‌ڕوانکراوه‌ی که‌ به‌م زووانه‌ به‌ ته‌واوه‌تی په‌رده‌ی له‌سه‌ر لاده‌درێت. ئه‌لبومی ئه‌مجاره‌شیان هه‌روه‌ه ئه‌لبومی پێشوویان هه‌ر له‌ڕێگه‌ی هونه‌رمه‌ند هه‌ڵکه‌وت زاهیر بۆ ئاماده‌کراوه‌ و ده‌کرێت.

 ئه‌م ئه‌لبومه‌ نوێیه‌ی باخان له‌ چه‌ند تراکێکی ناسک پێک هاتووه‌ و دوو له‌ گۆرانیه‌کانیش گۆرانی هه‌ڵپه‌ڕکێن به‌ زاراوه‌ی سۆرانی و کرمانجی وه‌ تراکێشیان به‌ ستایلی تانگۆ یه‌ له‌گه‌ڵ چه‌ند تراکێکی تر جیاواز له‌ سیدیه‌که‌ی پێشووی.