ئەم ھەفتەیە لە ھەولێر رولا و ملحەم کۆنسێرت دەکەن

زانا دڵشاد دزەیی : بریار وایە لە سەرەتای مانگی داھاتوو ھەردوو گۆرانیبێژی لوبنانی ملحەم زێن و رولا سەعد لەشاری ھەولێر لەگەڵ گۆرانیبێژان لۆکە زاھیر و میرا کۆنسێرتێکی گۆرانی ساز بکەن.

لەوبارەیەوە سەرچاوەیەک لە کۆمپانیای (ژیما سکای) کە بەئەنجامدان و رێکخستنی کۆنسێرتەکە ھەڵدەستێت رایگەیاند “رۆژی ھەینی رێکەوتی ١٢/٤/٢٠١٣ ھەردوو گۆرانیبێژی لوبنانی ملحەم زێن و رۆلا سەعد لەشاری ھەولێر کۆنسێرتێکی گۆرانی ساز بکەن، ھاوکات ھەر یەکە لە لۆکە زاھیر و میراش لەم کۆنسێرتەدا بەشدارن”.
سەرچاوەکە ئەوەشی راگەیاند، لەبەر نەبوونی ھۆڵی گەورە و تایبەت بە کۆنسێرت کە شوێنی ژمارەیەکی زۆری خەڵکی ھەبێت لەشاری ھەولێر “کۆنسێرتەکە لەیاریگای شەھید فەرەنسۆ ھەریری ساز دەکرێ”.