ئیقبال بە تەنیا ماوە

مەسعودی مەلا ھەمزە: لە نوێترین کاری ھونەری خۆیدا ھونەرمەندی گۆرانیبێژ ئیقبال ئەتمانی کۆتایی ھێنا بە کارەکانی دووەمین گۆرانی خۆی.

گۆرانی “ب تەنێ مای” لە تێکستی ئیقبال ئەتمانی و ئاواز و میوزیکی فەرشاد نەدیمی بە سپۆنسەری کۆمپانیای کارزۆن کلیپ کرا، کە عادل ئاکرەیی وەک وێنەگر و دەرھێنەر کاری تیاکردووەو شابۆ شابۆ مۆنتاژی بۆ کردووە.
لە لێدوانێکی تایبەتدا ئیقبال ئەتمانی گوتی”دووەمین گۆرانی کلیپکراوم گۆرانی “ب تەنێ مای”یە، کە لەو ماوەیەدا کۆتاییم ھێنا بە کارەکانی کلیپ کردنی و بڵاوکرایەوە”.
ئیقبال گوتیشی”لە یەکەم بەرھەممدا جەماوەر پێشوازییەکی باشیان لە گۆرانییەکەم کردو لە ئێستاشدا دووەمین گۆرانیم بڵاوکردۆتەوە، ئەگەر وەکو بەرھەمەکەی دیکەم پێشوازی لێ بکرێ ئەوا کار بۆ ئەلبوومێک دەکەم و ھەوڵیش دەدەم بە شێوەزاری سۆرانی گۆرانی بڵێم”.