کۆمەڵەی دۆستانی کتێب چالاکیەکی ھونەریان لە گوندی فەقیان ئەنجامدا

کۆمەڵەی دۆستانی کتێب لە چالاکیەکی ھونەری دا گوندی فەقیانیان بە ھاوڕێیانی رەنگ ئاشنا کرد.  کاتژمێر ٤ی ئێوارەی ڕۆژی ١٨_٤_٢٠١١  کۆمەڵەی دۆستانی کتێب (کۆدۆک) چالاکیەکی ھونەریان لە گوندی فەقیانی سەر بە قەزای رواندز ئەنجامدا ،

کەتیدا پرۆژەی ھاوڕێانی ڕەنگ  بە منداڵانی ئەم گوندە ئاشنا کرد و قەڵەم رەنگ و پێداویستی ھونەری و نامیڵکەی ھێڵکاری بە ناوی (رەنگ بکە) بە سەر منداڵانی گوندەکە دابەشکرد ، لە گەشتێکی ھونەری و پەروەردەیدا دەستیان کرد بە ئەنجامدانی کاری ھونەری تاکو منداڵان بەھرەو حەزەکانیان گەشە بکات و ھونەریان لا خۆشەویست بکرێت.
حەسەن مستەفا سەرۆکی  کۆمەڵەی دۆستانی کتێب لە بارەی ئەم چالاکیە وتی : ئێمە گەشتێکی ھونەریمان بۆ گوندی فەقیان سەر بە قەزای رواندز سازکرد  وئامانج لەم گەشتە پەرەپێدانی توانای مندڵانی گوندەکانی دەڤەری رواندزە ، لە لایەن ھونەرمەندان ( مامۆستا زرار محەمەد و تەیب موعتەسم ) بە ھاوکاری کۆدۆک و دابینکردنی نامیلکەی وێنەیی و ھێڵکاری ڕەش و سپی و قەڵەم رەنگ بە سەر منداڵانی دابەشکرا . تا وێنەکان رەنگ بکەن و لەم ڕێیەوە بەھرەکانیان بتەقنەوەو دەستڕەنگینی ھەندێکیان بە دیار بکەوێت  و ھەولیان لە گەڵ بدرێت تا ببنە تاکی بە سوود بۆ کۆمەڵگا کەمان لە ھەمان کاتیش گەشتێکی ھونەرییە کە تیدا مندالای پێکەوە کاری ھونەری ئەنجام دەدەن و لە یەکتر فێری شتی نوێ دەبن).
یاسین برایم