دیدار حەیدەر / ــSky Sport: لە شەوێکدا خولی ئینگلیزی دووجار ژمارەی پێوانەیی گرانترین نرخی گرێبەستی یاریزانەکانی شکاند.
سەرەتا ئەندی کارۆل بە بڕی ٣٥ ملیۆن جونەیھی ئیستەرلینی بووە گرانترین یاریزان لە مێژووی خولی ئینگلیزیدا، بەڵام گواستنەوەی فرناندۆ تۆرێسی ھێرشبەری ناوداری یانەی لیڤەرپول بۆ یانەی چێڵسی لە بەرامبەر ٥٠ ملیۆن پاوەنی ئینگلیزی گەیشتە لوتکەی گرانی یاریزانانو بەو بڕەپارەیەش تۆرێس ژمارەی پێوانەیی لە خولی پریمەرلیگدا بۆخۆی تۆمار کرد.
شارەزایانیش دەوڵەمەندبوونی خولی تۆپی پێی ئینگلیزی بە ھۆکارێک دەزانن بۆ راکێشانی یاریزانە ناودارەکانی جیھان بۆنێو ئەو خولە، سەبارەت بەو مەسەلەیەش پارە بۆ یاریزانان بە موگناتیس ناوزەند دەکەن بۆ پەلکێشکردنی ھەریاریزانێک کە بیانەوێ.
ماڵپەڕی Sky Sport ی بەریتانی ١٠ لە گرانترین یاریزانەکانی مێژووی خولی ئینگلیزی بە ھەموومان ئاشکرا دەکات.بڕی پارەکە بە جونەھی ئیستەرلینی دیاریکراوە.بەو شێوەیە :
١ــ فرناندۆ تۆرێس لە لیڤەرپول بۆ یانەی چێڵسی بە ٥٠ ملیۆن
٢ــ ئەندی کارۆڵ اە نیوکاسڵ بۆ لیڤەرپول بە ٣٥ ملیۆن
٣ــرۆبینھۆ لە ریال مەدرید بۆ یانەی مانچستەرسیتی بە ٣٢.٥ملیۆن
٤ــ ئەندری شیفشینگۆ لە میلان بۆ چێڵسی بە ٣٠.٨ ملیۆن
٥ــ دیمیتاربێرباتۆڤ لە تۆتنھام بۆ یانەی مانچستەریۆنایتد بە ٣٠.٧٥
٦ــریۆ فێردیناند لە لیدز یۆنایتد بۆ یانەی مانچستەریۆنایتد بە ٢٩.١ ملیۆن
٧ــ سباستیان ڤیرۆن لە لازیۆ بۆ مانچستەریۆنایتد بە ٢٨.١ ملیۆن
٨ــ واین رۆنی لە ئیڤەرتۆن بۆ یانەی مانچستەریۆنایتد بە ٢٧ ملیۆن
٩ــ ئەدین دزیکۆ لە ڤۆلڤۆسبۆرگ بۆ مانچستەرسیتی بە ٢٧ ملیۆن
١٠ــ مایک ئیسیان لە ئۆلەمپیک بۆ یانەی چێڵسی بە ٢٤.٤ ملیۆن.
