مەسعودی مەلا ھەمزە :دوای نمایشکردنی لە شاری دھۆک بەڕێوەبەرایەتی شانۆی ھەولێر شانۆگەری بێدەنگی رەش لە دەرھێنانی ھونەرمەند مەسعود عارف لە شاری ھەولێر نمایشدەکات.
بەگوێرەی راگەیەنراوێکی بەڕێوەبەرایەتی شانۆی ھەولێر بڕیارە کاتژمێر ٥ی ئێوارەی رۆژی پێنجشەممە ١٤/٤/٢٠١١ لە ھۆڵی گەلی شاری ھەولێر شانۆگەری بێدەنگی رەش لە دەرھێنانی مەسعود عارف نمایش بکرێ.
ھەر لە راگەیەندراوەکەدا ھاتووە کە ئەم شانۆگەرییە پێشتر لە شاری دھۆک نمایشکراوەو بە مەبەستی ناساندنی کاری شارەکان بەیەکتر ئەم کارە لە شاری ھەولێر نمایش دەکرێت.
