بەڕێز حاجی(بۆبی)ـەکەی مرد

کارۆخ مەلائەسعەد: “دوای ئەوەی ماوەیەک لەمەو بەر سەگێکی ماڵی (بەرَێز حاجی)  لە ڕووداوێکی نادیاردا کوژرا، لەم ڕۆژانەیشدا ناوبراو دووچاری ڕوداوێکی ھاو شێوە بووەتەوە و سەگێکی دیکەی بەناوی (بۆبی) لە دەست داوە.

ھەر لەمبارەیەوە (بەرێز حاجی) بە “لاپەڕەی کراوەی ڕۆژنامەی “ھەولێر”ـی گوت:” کاتێک ھەستم کرد (بۆبی) وەکو ڕۆژانی پێشووی نەماوە، ڕاستەوخۆ نیشانی پویشکم داو چەند چارەسەرییەکی بۆکرا. وەلێ دوای ھێنانەوەمان بۆماڵەوە بۆ شەوی دواتر گیانی لە دەست دا.”

(بەرَیز) دەڵێت:” ھەر لە ساڵانی ڕابردوویشدا سەگێکی دیکەیشیان لێ کوشتم کە ئەویشیان وەک ئەوەی ئێستا خەمباری کردم. کاتی ئەوە ھاتووە لە وڵاتی ئێمەیشدا وەک ھەر وڵاتێکی دیکە ڕێز لە ئاژەڵ بگیرێت.”