بەشی شێوەکاری سەنتەری چالاکی گەنجانی رانیە تازەگەرییەکی تر ئەنجام دەدات

لە تازەترین کارو چالاکیەکانی بەشی شێوەکاری سەنتەری چالاکی گەنجانی رانیەدا, ٨ گەنجی دەست رەنگین  بە پێشانگایەک, تازەگەریەکی تر ئەنجام دەدەن.

بۆ بەرزراگرتنی یادی راپەرینی ٥ ئازاری ساڵی ١٩٩١ ء لە چوارچێوەی ئەو کارو چالاکیانەی کە بۆ ئەم یادە ئەنجام دەدرێن پێش نیوەرۆی رۆژی ٦\٣\١٩٩١ کاتژمێر ١٠  لە ھۆڵی سەنتەر, چالاکیەکی ھاوبەشی شێوەکاری نمایشکرا کە ستایڵ و شێوەی کارەکەی تازەگەرییەکی تری پێوە دیار بوو. سەرەتای چالاکیەکە بە لێکردنەوەی چەند تولێکی فایلی سپی دەستیپێکرد.  لە ناوەراستی ھۆڵەکە لە بەرزییەوە چەندین شوێن پێ  بە بۆیە نەخشێنرابوو,  ھاوکات لەگەڵ ئەمە ٨ گەنج لە دەستە راستی ھۆڵەکە راستەخۆ چەند تابلۆیەکی شێوەکاریان دەنەخشاند. سەرپەرشتیاری چالاکیەکە ( رێباز قادر) بۆ چالاکەکە وتی:  ئەو شوێن پێیانەی کە لە بەرزییەوە ھاتونەتە خوار گوزارشتە لە سەرەتاکانی راپەرین کە شاخء شار ئاوێزانی یەکتر بوون.
لەم چالاکیەکیەدا ھەریەک لە قائیمقامی قەزای رانیە و سەرۆکی شارەوانی رانیەو رێژەیەکی زۆر لە گەنجانء ھونەرمەندانی ناوچەکە تێیدا ئامادەبوون.