تۆبڵێی
تابلۆ حەسەن
بلێی هەموو مرۆڤەکان
دڕندە بن
یا من هەڵە تێگەیشتووم
لە مرۆڤ بوون
بڵێی هەموو شمشێرەکان
بڕندە بن
یا من هەڵە تێگەیشتووم
لە ئیسلام بوون
لەو کاتەوە خواوەندەکان
مێینەیان
دوورخستەوە
نامۆیی بوو، بەتەوقێکی
عەزازیل و
ئازادیمی توند بەستەوە
هەر کە میترای خواوندی خۆر
لەناو ریزی خواوەندەکان
سڕرایەوە
مۆمی منیش خاموشکراو
ئەو ترووسکە رووناکییەی
منی ژنیش کوژایەوە
ئازادی من
لە دۆزەخی نێرسالاری
وردە وردە توایەوە
توایەوە
تاگەیشتە ئەم چاخەی من
هیچی وای لێ
نەمایەوە
نەمایەوە
