وه‌ره ناخم
ئاوێزانی ئه‌م رۆحه‌م به
وه‌ره باچیتڕ هه‌ناسه‌ی پڕتڕین
دۆعا هه‌ڵنه‌ڕژین،
وه‌ره‌ناخم
به‌هێواشی وه‌ره
گوڵه‌کانی ئه‌م سینه‌یه‌م
مه‌وه‌رێنه،
ده‌سته‌ساردو سڕه‌کانت
له‌نێوکوانووی
چاوه‌کانی پڕ له‌خه‌زره‌ت هه‌ڵپه‌سێره
وه‌ره له ناخما بم خووێنه‌وه
چه‌پک چه‌پک
له‌هه‌ناسه
و
له‌فرمێسکم
بهۆنه‌وه
وه‌ره ناخم
،وه‌ره
له‌ڕۆمانی شه‌وه تۆراوه‌کانم
بیپرسه
بۆچی هینده له به‌یاندا بۆت گریاون
وه‌ک منداڵێک به‌کازیوه‌ی به‌یانیاندا
هه‌ڵزناوین
ده‌وه‌ره سا
بمخوێنه‌وه
بۆ دواین جار
بارگه‌دانێو و
وه‌ک دوو دڵۆپ به‌فری سپی
له‌نێوو یه‌کدا بتووێینه‌وه
بتوو ێینه‌وه
سۆران ره‌شید/دێلفت
2008
