سوتان له‌یاده‌وه‌ریه‌کاندا

چۆن بڕوانمه‌تۆ .. به‌یادی جاران

که‌دڵ سوتووبێ له‌سه‌مای گڕدا

باڵنده‌یه‌ک بم ته‌ریک و ته‌نیا

لانه‌ی دێرینم که‌هه‌ڵپڕوکا

باوه‌شێک نه‌بوو له‌ئامێزم گرێ

خه‌می غه‌ریبیم تۆزێ لێ وه‌رگرێ

ئه‌بێ کام ساته‌ده‌رون دامرکێ

حه‌زی ئه‌وئه‌شقه‌م کێ ڕای ده‌موسێ

له‌خه‌ونی کورت وپچڕپچڕدا

باڵی فڕینم هه‌ر ده‌ست له‌ملته‌

ئاسمانی ته‌م و لێڵی چاوانم

نازانم بۆچی هه‌ر نه‌بڕایه‌وه ..؟‌

بۆچی نه‌گیشتمه‌ترۆپکی ئه‌وین

بۆ ڕۆحێک نه‌هات به‌هانامه‌وه‌..؟

له‌نێوان من و حه‌زه‌کانی تۆ

ته‌نیا گڕێک بوو  هه‌ستمی تیا سوتا

ته‌نیا ووشه‌یه‌ک هه‌ر نه‌گه‌یشته‌لام

ببێت به‌دیاری بۆ ئه‌م سه‌فه‌ره‌م

بێ هیوا ئیتر ڕۆحم به‌جێهێشت

جه‌سته‌ی مردووشم هه‌ر خۆم کفنم کرد

چۆن بڕوانمه‌تۆ به‌یادی جاران

که‌دڵ سوتوبێ  له‌سه‌مای گڕدا

شه‌ماڵ ئه‌حمه‌د بچکۆل