کارزان دوکانی
لەم نیشتمانی دڵی شکاو و خوێن و شەختەدا
لە نێو دۆزەخی ئەم زیندەگی یە سارد و سەختەدا
کەس ناپەرژێتە سەر کۆکردنەوەی نێرگزی قرتاو
ڕۆحی ھەموانی تەڕتەڕ کردووە بارانی ھەتاو
لە ئەم ووڵاتە دلڕ لە گیرفانا گیری خواردووە
عیشق دەمێکە گیانی پیرۆزی خۆی سپاردووە
ڕێبواری ئومێد ئەدرەسی ئێرەی بۆ وونکردووە ؟
قەدەر کاروانی وەفای بەرەوکام عە دەن بردووە؟
لێرە کە ھەموان سەریان بڕاوە و ھەمووش سەربڕن
بازرگانی خوێن خوێنێک نەماوە کەوا نەیکڕن
تۆ بڵێی کەسێک ویژدانی ھەبێ و گوڕبخواتەوە
سەری خۆم لەنێو ئەم سەرانەدا پێ بداتەوە
