ئه‌گه‌ر هاتی بۆ ماڵه‌که‌م

ئه‌گه‌ر هاتی بۆ ماڵه‌که‌م

چرای ڕۆحمت بۆ هه‌ڵئه‌که‌م

به‌هار له‌ به‌ر پیت ئه‌روێنم

له‌ گوڵاڵه‌ سوره‌ فه‌رشی خۆشه‌ویتت

بۆ ئه‌چنم

هاوینت بۆ سازگار ئه‌که‌م

هه‌رچی گه‌رمی خۆر هه‌یه‌

له‌ چاومدا بۆت ئه‌چێنم

پایزت وه‌ک خۆی پیشان ئه‌ده‌م

ئه‌بم به‌ هه‌رزاڵێک شیعرهه‌رچی ووشه‌ی

ناسک هه‌یه‌ گه‌ڵا گه‌ڵابه‌سه‌ر

باڵا جوانه‌که‌تدا ئه‌یوه‌رێنم

زستانیش بێ چه‌تر وه‌ره‌

بۆ نازانیت هه‌رچی نمه‌ باران هه‌یه‌

له‌ تۆ ئه‌دات نمه‌ی ماچی لێوانمه‌

هه‌موو گیانت رائه‌موسێنێت نه‌رم نه‌رم

باڵا قه‌شه‌نگه‌که‌ت ئه‌شوا

ئه‌گه‌ر هاتی بۆ ماڵه‌که‌م

له‌ نێرگز کراسێکت بۆ ئه‌دورم

ماڵه‌که‌شم له‌ ڕێحانه‌ هه‌ڵئه‌کێشم

به‌س یه‌ک جار وه‌ره‌ بۆ ماڵه‌که‌م

په‌نجه‌کانم دائه‌گرسینم

له‌هه‌موو قوژبنێکی چاوه‌روانی

ماڵه‌که‌مدا

به‌یه‌که‌وه‌ قاوه‌یه‌کی تاڵ تاڵ

له‌ یه‌ک کوپدا

به‌ قه‌ندی لێوه‌وه‌ بخۆینه‌وه‌

یینجا ئه‌زانی چه‌ند چاوه‌ڕێم

بۆیه‌ ئه‌ڵێم به‌س یه‌ک جار

وه‌ره‌ ماڵه‌که‌م