نیشتمانم بۆ نه‌وه‌کانت به هه‌ردوو ده‌ست
به‌رد ئه‌گرنه دڵی شووشه‌ت
دڵی جوانت ئه‌شکێنن
که‌سێک نیه
فرمێسکێکت بۆ بسرێت
نمه بارانی ناسۆری له ڕووخسارت
ئه‌بارێنن
خۆزگه نیشتیمانه‌که‌م جارنا جارێک
خۆت بکردایه به گوڵه گه‌نم
منیش به ته‌وقه‌ی موحیبه‌ت
له سه‌ر سه‌رم له‌ناو نازی
تاڵ به تاڵی زوڵفه‌که‌مدا
ئه‌ملاواندی
نه‌مئه‌یه‌شت که‌س ده‌ستت بۆ به‌رێت
ئه‌وه‌ی ویستی ئازارت با
با تاله تاڵه‌ی زووڵفه‌که‌م ده‌ربهێنێ
به گیانی دایکم ئه‌م پاراستی
نه‌م ئه‌یه‌شت هه‌رگیز بتگرینێت
غه‌رقت بکه‌ن له ئازار
جاریکی تر فرمێسک له چاوانت بهێنن
حەیات مەجید پەرخی
