ژنێ تێکەڵی خۆی کردووم

ژنێک وتی

شیعر مسافیری ناو

پەڕتوک نیە

لەناو دڵدا ئەژی

-٢-

ئەمشەو

ژنێک هات

تاریکی ژوورەکەمی کوژاندەوە

-٣-

ژنێک بووە

بە خۆری دوای

بارانم

-٤-

ژنێک وەک مناڵ

هەموو دەرگاکانی دڵمی

کردەوە

-٥-

کە مێزەری خۆر

تەڕ بوو

بە پەلکی ژنێک

خۆی وشک ئەکاتەوە

-٦-

لەسەر جۆگەلەی

بەهەشت

بە زەنوێریان وت

ئارام بە لێرە ژنێ

حاکمە

-٧-

بۆ ژنێ

هەموو ڕۆژێ (پێنج) سەعات

بەڕۆژوم

-٨-

پەنجا ساڵە  ناتوانم

ناتوانم

تێبگەم

کە برژانگەکانی خۆر بۆ

لە هی چاوەکانی ژنێ

دەچن ..؟

-٩-

ژیان سەفەرێکی کورت

بوو

ژنێ کردیە

ڕۆمان

-١٠-

بەر لەوەی عیسا بناسم

مریەمم ناسی

_ هاوڕێ ڕەش _