نازانم
نه چرپه بوو
نه ترپه بوو
نه تنۆکی باران
تاریکه شه‌وێک بوو
په‌نجه‌ری ژووره‌که‌م
وینه‌ی کۆتایی ژیانی ئه‌کێشا
سه‌خته ڕێگایه‌ک بوو
ئه‌و شه‌وه ڕۆشنایی هه‌رگیز نه‌ئه‌بینرا
له‌و قه‌راغ ئه‌و ئاوه‌ی هه‌موو شه‌وێ
ماچی بارانم پێ ئه‌سپێرێ
دوعام ئه‌کرد
ئه‌موت خوایه
ماچی من بنێره به‌و بارانه
دوعام ئه‌کرد ئه‌م وت باران
بیسپێره به فریشته ترسی ئه‌و شه‌وانه
کچه‌که‌ی ئه‌و شه‌وه‌ی
ده‌نگت له ده‌نگی باران ئه‌چوو
له کوێی؟
کچه‌که‌ی ئه‌و ڕۆژه‌ی هه‌ناسه‌ت
له بزه‌ی شکۆفه ئه‌چوو
له کوێی؟؟
ئێستا من له‌م بێ تۆییدا
ناسنامه‌و
پاسپۆرتی وڵاتی ژان
ئه‌که‌م به هاوڕێم
گریانی گوڵی ئێواران
بزانه کیژۆڵه‌که‌ی هه‌موو شه‌وێک له‌و دیو
په‌نجه‌ره‌ی حه‌زی منه‌وه
ئه‌کا سه‌ما
سه‌مای ده‌نگی باران
هه‌موو شه‌ویک له لاپه‌ڕی ده‌فته‌ری شعرمه‌وه
ئه‌نوسرێ
با به‌س بێ دابڕان
با به‌س بێ دابڕان
هاوڕێ ڕه‌ش
23.3.2011
