باوکی دوین
هه‌ر به‌گه‌نجی سه‌ری نایه‌وه له ته‌مه‌نی32 سالیدا به‌رووداوێکی ناخۆش ساڵی 1967. وه‌ک و خۆی ده‌ڵێت من هه‌ر له‌منداڵییه‌وه ژیانم دۆڕاند کاتێک که درام به شوو له ته‌مه‌نی 16سالیدا، هه‌ر له‌و کاته‌وه چرای ژیانم کوژایه‌وه.
له هۆنراوی……خه‌ڵاتدا
ده‌ڵێت
له قوڵایی تاریکیی شه‌ودا
هاوار ده‌که‌م
له قوڵایی تاریکیی شه‌ودا
ئه‌گه‌ر ویستت سه‌ردانم که‌ی
هاورێ شرینه‌که‌م
چرایه‌ک و په‌نجه‌ره‌یه‌کم
بۆ بێنه
تا بتوانم
بڕوانمه
کوچه‌ی به‌خته‌وه‌ران
شنه‌ی بایه
ده‌مانبات
له‌م شه‌وه وردیله‌دا
له‌م شه‌وه وردیله‌دا
با… له گه‌ڵ گه‌ڵای داره
دیدارێک درۆست ده‌کات
ویرانی ئازاری پییه
گوێ گره
گوێت لێیه؟
له پاڵه په‌ستۆی تاریکیی
ئه‌م خۆشییه نامۆیه
من سرودێکی ئازارم
گوێ گره
له‌هاژه‌ی با
شتێک له‌نێو شه‌ودا
ده‌روات
مانگ په‌شۆکاوه
ره‌نگی زه‌ردی
ڕه‌نگی سووری گرتووه
ئه‌م کیشوه‌ره بێ ئامانه
له‌سه‌ر سه‌رم وه‌ستاوه
پارچه‌کانی هه‌ورێکی ترس
وه‌ک لاوانه‌وه‌ی گریان
چاوه‌ڕوانی
لێزمه‌ی باران ده‌کات
چرکه‌یه‌ک
دوایی …هیچ
له پشتی په‌نجه‌ره‌که‌م
شه‌و ده‌له‌رزێت
شنه‌ی بای خاک
ها….. که وه‌ستا
شتێکی نادیار
ده‌ڕوانێته پێمان
ئه‌ی ڕه‌نگی سه‌وز
له نووک پیوه هه‌تا کو سه‌ر
دانێ ده‌ستت
شێوه‌ی یادێکی سووتاو
له نێو ده‌ستی عاشقم
با ته‌نها ده‌مت
له گه‌ڵ لێوی عاشقم
یاری بکات
شێوه‌ی هه‌ستی فێنکی بوون
ڕه‌شه بایه !
ڕه‌شه‌بایه !
هه‌ر ده‌مانبات
