گیڤارا

به‌ندی عه‌لی .. 2011

پیاوێک

له‌ناخی شه‌وا ئه‌دره‌وشایه‌وه‌

ئه‌ستێره‌ش نه‌بوو

پیاوێک

به‌سه‌ر جه‌نگه‌ڵی سته‌ما ئه‌باری

بارانیش نه‌بوو

پیاوێک

به‌ئاسمانی ئازادیا ئه‌فڕی

پاساریش نه‌بوو

پیاوێک

ده‌ستبازی له‌گه‌ڵ مه‌رگا ئه‌کرد

پڕیش بوو له‌بۆن و به‌رامی گوڵ

له‌ڕه‌نگه‌کانی ژیان

پیاوێک

له‌گه‌ڵ تفه‌نگا ئه‌ژیاو

خه‌یاڵیشی هه‌ر له‌لای گیتاره‌که‌ی بوو

پیاوێک

ساڵه‌هایه‌ مردووه‌و ، تا ئه‌مڕۆش

ئاوازه‌کانی به‌رخودان ئه‌ژه‌نێ