730

به‌ندی عه‌لی .. 2012
حه‌وت سه‌دو سی
چڵه‌ لولاقی ده‌ربه‌ده‌ر حه‌وت سه‌دو سی
هه‌ناری ده‌نک هه‌ڵوه‌ریو
له‌که‌لله‌سه‌ر
حه‌وت سه‌دو سی
توره‌که‌ی شه‌وی به‌راتی
پڕ له‌باده‌می ددان و

مێووژی چاو
حه‌وت سه‌دو سی
نزای له‌بیابانا خنکاو
حه‌وت سه‌دو سی
شوشه‌ عه‌تری به‌تاڵی روح
حه‌وت سه‌دو سی
جوتی جێماو له‌که‌شتی نوح
حه‌وی سه‌دو سی
نامه‌ی پاڕانه‌وه‌ له‌خوا
حه‌ت سه‌دو سی
شه‌رواڵ و پشتوێن و که‌وا
حه‌وت سه‌دو سی
سندوقی بێ ناوو نیشان
ئه‌مڕۆ دیسان
گه‌ڕانه‌وه‌ بۆ نیشتمان