لێوەتینوەکانی دەمی شەرمەزاری
لە کەنار زەریایەکی سوێر جۆش داما
ئاخۆ ئەو لیوانە هەر واتینو مابێ
خۆ ناکری جامێ بەفراوی سەر پیرەمەگرون بنۆشێ
کێ نالێ وەک کچێکی بالا بەرز
پێیەکانی لەدەریایی یادەکاندا ناخشێنێ
لەگەل وردە زیخی ناو ئەو دەریایە
ناچێ بە دلی زەویدا
ئەی پەروەرێنم تۆ بلێی ئەونە دەست رۆشتووبم!
لەگەل قاقایەکی پێکەنیندا هەورەکان
لەترسا بگرمێنن، فرمێسکە باران ببارێنن
یاخود بەدووچاوی ناز، بروسکە لە ئاسمان بێنن
دە وەرە با تنۆکی لەشەرابی مەست بون بەمێ
تاوێ لە ناو رەزی ترێ
بۆڵ بۆڵ ئارەقی گول بوتەنێ
ئەو پاپۆرەی کە دەمێکە لەنگەری گرتوە
ئیستا بە تروسکەیەک چارۆکەکەی
با هەلی دەگرێ!
لاتان سەیر نەبێ
ئەمە راستیە لەژێر دەریای جەستەدا
هەر یادێک بە سەد خەیال ئەچێ
سارا رەشید ئەفەندی
٢٠١١
