ئهحمهد رهجهب
چهندان ساڵه هێزهكانی دهوڵهتی توركیا خاكی باشوری كوردستانیان داگیركردووهو بهوهش نهوهستاون و رۆژانه له رێی تۆپی جۆراوجۆرو ههلێكۆپتهرو فرۆكهی جهنگییهوه بهخهستی ناوچهكانی كوردستان تۆپباران ئهكهن و ئهوهش ئهبێته هوێ ئاوارهكردنی خهڵكی سڤیلی بێدهسهڵات و سوتاندنی ماڵ و سامان و ئاژهڵ و پوش و پاوان و دارستانهكانیان و تا ئێستا ژمارهیهكی زۆریش له هاوڵاتیان شههید كراون.
نه ههر له باشور بهڵكو له باكوری كوردستان دهوڵهتی توركیای رهگهزپهرست به فهرمانی سهرۆكهكهی رهجهب تهیب ئهردۆگان ناوچه كوردنشینهكانی وێران كردو، هاوڵاتیانی بهگشتی و سیاسی و ئهندامه كوردهكانی پهرلهمان بهتایبهتی دهستگیر كردو، تا ههنوكه له زینداندان و، كۆمهڵهی مافی مرۆڤ و، یهكێتی ئهوروپاو، نهتهوه یهكگرتووهكان و، حكومهتی عێراق نقهیان لیوه نایهت و، ههموویان بێدهنگن.
رژێمی توركیای رهگهزپهرست له ساڵی 2015 وه تا ئێستا به فهرمانی سوڵتانه ئیسلامییهكهی عوسمانلییهكان رهجهب تهیب ئهردۆگان سوپای توركیا ئوپراسیۆن له دووای ئۆپراسیۆن دژ به كوردو كوردستانیانی باكورو باشورو رۆژئاوا بهرێوه ئهبات و، تاوانی جینوسایدو قهلاچۆكردن ئهنجام ئهدات و، شارو گوندو ماڵی هاوڵاتیان وێران و خاپور ئهكهن و، له لایهن جهندهرمهو سهربازانی تورك ماڵ و موڵك وسامانیان به تاڵان بران و، ئهو كوردانهی لهدهستی سوپا رزگاریان بووه بوونهته كۆچبهرو، ژیانێكی تاڵ بهسهر ئهبهن.
تورکیای رهگهزپهرست بەھۆی داگیرکردنی چەندین ناوچەی باشووری کوردستان بووەتە خاوەن ماڵ و دەسەڵات و سەربەستانە ھاتووچۆ ئەکات و، سیخورەکانی لەناو خاکی کوردستان بڵاوکردووەتەوەو، تهنانهت ژمارهی ئەندامانی میتی تورکی لە کەرکوک زۆر زیادی کردووهو، توركیا پهیتا پهیتا و به ئاشكهرا ئهفسهرو سیخور رهوانه ئهكات بۆ پاراستنی توركمانهكان و. له سهرهتای ئهم مانگهدا (تهموز) به هوێ ههواڵگیری سیخۆرهكانی میت شۆرشگێرێكی سهركردهی { پارتی كرێكارانی كوردستان ـ دیار غهریب} و دوو گریلای هاورێی شههید بوون و، دیاره پەیوەندی تورکیاو ھەرێمی کوردستان لە خزمەتی تاقمی ئەردۆگانی ئیخوان ئهلموسلمینی سهرلێشیواوو، حزبهكهی ئاگپارتییهو، به پێی بهرپرسانی توركیاو كوردستان پەیوەندیی تورکیا لەگەڵ ھەرێمی کوردستان، پەیوەندی غازو نەوت و دۆلارهو، بهختی توركیا له ههڵكشانه ، چونكه نهوت به مفت ههرزان وهرئهگرێ.
سهرهرای شاڵاو هێرشی سوپا و جهندرمه بۆ شارو دێهاتی باكوری كوردستان و، تا ئێستا توركیا له شهرێكی ناوخۆیی سهخت و دوژواردایهو، به ئاگرو ئاسن رهفتار له گهڵ ماف و داواكارییه رهواكانی كورد ئهكات و، دهستی له راونان و گرتن و زیندانیكردن و كوشتنی رۆڵهكانی كورد ههڵنهگرتووه.
رەجەب تەیب ئەردوگان خاوەنی ھێزی چەکدارییە کە پەیرەوی سیاسەتی پاکتاوکردنی کورد ئەکات و، نایشارێتهوهو راشكاوانه ئەڵێت: پێخۆشحاڵم بەو ھاوکارییە ئابورییە گەورەیە لە نێوان تورکیاو (ئیدارەی کوردی) ههیهو، ( ئهردۆگان و تاقمهكهی و ههموو دوژمنانی كورد قەت ناڵێن ھەرێمی کوردستان) و، ئهڵێن ئیدارهی كوردی یان شمال العراق.
توركیا له سهر خاكی باشوری كوردستان خاوهنی ژمارهیهكی گهورهیه ( بێ سنووره) له بنكهو پێگهی سهربازی و، بهوهش نهوهستاوهو، خواكوركی داگیركردو، به شۆفل و گریدهرو كهرهستهی رێگاوبان شهوو رۆژ خهریكی داربرین و شێواندنی زهویی و زاری هاوڵاتیانن و، بهردهوامن له لێدانی رێگای نوێ وقیرتاوكردنی بهرهو قوڵایی له ناو خاكی باشوری كوردستان.
رهجهب تهیب ئهردۆگان ئهیهوێت خهلافهتی( دهوڵهتی عوسمانی) زیندوو بكاتهوهو، توركیا وهك وڵاتێكی داگیركهر ههلی بۆ رهخساوه درێژه به داگیركردنی خاكی وڵاتان بدات و، له رابووردوودا قوبرسی داگیركردو، وبارگرژی له گهڵ یوناندا دروستكردو، به هوێ دروستبوونی شهر له سوریا، توركیا به یارمهتی تیرۆریست و چهتهكانی بهناو ئیسلام و شام و سوڵتان توانی بهشێك له خاكی سوریاو رۆژئاوای كوردستان وهك جرابلوس و ئهلباب و عهفرین و بهشێك له مهنبج داگیر بكات و، له ئێستاشدا بێ له مۆڵگهو بنكه سهربازییهكانی له ناو خاكی كوردستان له خواكورك و سیدهكان خاكی كوردستان داگیر ئهكات و، بهرهو قوڵایی ناوچهكانی كوردستان پێشرهوێ ئهكات.
جێی شهرمهزارییه بهرپرسانی كوردستان ههر له سهرۆك ههرێم و سهرۆك حكومهت و ئهنجومهنی ئاسایش سهردانی توركیا ئهكهن و، پێشوازی له بهرپرسانی توركیاو شاندو ههواڵگیرییهكانی به گهرمی ئهكهن و، نهخشهكانی توركیا به فهرمانی ئهوان جێبهجێ ئهكرێن و، مهبهستی سهرهكی توركیا كهنترۆڵ كردنی خاكی كوردستانه و، سهفین دزهیی وتهبێژی حكومهت له باتی ئهوهی توركیاو هێرشهكانی ریسواو شهرمهزار بكات، پاساو ئههێنێتهوهو، رووی توركیا سپی ئهكات و ئهڵێت:
(( ئهو كردهوانهی پهكهكه دهیكات نه لۆژیك، نه ویژدان قبوڵی ناكات)) و، وادیاره ئهوهی توركیا ئهیكات جێی قبوڵه و، پێشتر بهرپرسه باڵاكانی ههرێم و حكومهت چهندان جار ئهیانوت : ئهبێ میوانهكان، مهبهست (PKK ) یه برۆنه دهرهوه.
پێویسته سهرۆكی ههرێم و سهرۆكی نوێی حكومهت پێشێلكارییهكانی توركیا له ناو خاكی كوردستان رێسوا بكهن و، بتوانن قهرهبوی ماڵ وێرانی هاوڵاتیان و شههیدهكان بكهن و، داوا لە حکومەتی تورکیا بکەن بنکە سەربازییەکانی و، ھێزە چەکدارەکانی لە ناو خاکی ھەرێمی کوردستاندا ھەڵبگرێت و بەرەو تورکیا بیانباتەوە، چونکە مانەوەی ئەو بنکانە مەترسیدارەو ئامادەکاریە بۆ شەرێکی گڵاوو دژوار لە دژی گەلی کوردستان و، ھەرلە ئێستاوە ئەبێ گەڵی کوردستان خۆی ئامادە بکات بۆ شەرێکی مان و نەمان لە گەڵ رژێمێکی خوێنرێژو رهگهزپهرست.
10/7/2019
