مەنووچێهر جیهانی ـ “عهلیڕهزا تابێش” دهبیر و بهرپرسی سی و دووهەمین خولی فیستیڤاڵی نێونهتهوهیی فیلمهکانی منداڵان و مێرمنداڵانی ئێران گوتی: فیستیڤاڵی فیلمی منداڵ و مێرمنداڵ له بهرهبهری چوونه ناو چوارهمین دهیه له تهمهنی خۆیدایه و بۆته دامهزراوهیهکی بههێز که رهوتێکی دروست کردووه و کاریگهره.
به پێی راپۆڕتی لێژنهی پهیوهندییهکان و راگهیاندنی فێستیڤاڵی نێونهتهوهیی فیلمهکانی منداڵان و مێرمنداڵان، “عهلیڕهزا تابێش” دهبیر و بهرپرسی سی و دووهەمین خولی فیستیڤاڵی نێونهتهوهیی فیلمهکانی منداڵان و مێرمنداڵانی ئێران له کۆبوونهوهی هاوبیریی ئهم فێستیڤاڵه که له شاری ئیسفههان بهڕێوهچوو، به دهربڕینی ئهوهی که فێستیڤاڵهکانی سینهمایی ئێران وهکوو فێستیڤاڵی فیلمی فهجر و فێستیڤاڵی فیلمی منداڵ و مێرمنداڵ له بهرهبهری چوونه ناو دهیهی چوارهمی تهمهنی خۆیاندان، راشیگهیاند: فیستیڤاڵی نێونهتهوهیی فیلمی منداڵ و مێرمنداڵ بهو پێشێنه و رابردووهی ئێستا دامهزراوهیهکی بههێزه که رهوتێکی دروست کردووه و کاریگهره و تێپهڕبوونی زیاتر له سێ دهیه له تهمهنی ئهم فێستیڤاڵه، دهبێته هۆی ئهوهی که ئهم رووداوه له گۆڕانکاری دوورهپهرێز نهبێت.
ههروهها گوتی: گهشهی وهها فێستیڤاڵێک لهمهدایه که له گۆڕانکاری تێبگات و وێڕای وهفاداربوون بهو بنهما سهقامگیرانهی که ههر فێستیڤاڵێک له زاتی خۆیدا ههیهتی، بیر له ئاڵوگۆڕ و پێشکهوتن بکاتهوه.
تابێش له بهشێکی دیکهی وتهکانیدا جهختی کردهوه: گرینگترین ئاڵوگۆڕ و پێشکهوتن، گۆڕانکاری و ئاڵوگۆڕ و پێشکهوتن له شێواز و ستایلی ژیان و جۆری پێداویستییهکان و بیر و بۆچوونهکانی بهردهنگه سهرهکییهکانی ئهم فێستیڤاڵه واته منداڵان و مێرمنداڵانه.
ئهوهشی خسته ڕوو: ئامادهبوونی نهوهی نوێ له بهستێن و بواری فهرههنگی و هونهری وڵاتدا، وهکوو بهرههمهێنهر و بهکارهێنهرانی سهرهکیی بهرههمهکانی فهرههنگی و هونهری، پێداویستیی سهرهکیی ئهم گۆڕانکارییهیه. منداڵ و مێرمنداڵی ئهمڕۆ، به شهو و رۆژدا لهگهڵ ئهپڵیکهیشێنهکان و پلاتفۆڕمهکانی دونیای دیجیتاڵ، دهژین و زۆربهی پێداویستییهکانی خۆیان له کهشوههوای مهجازی و دهستکرددا، لهم رێگایهوه دابین دهکهن. بهم پێیه ئێمه سیاسهتداڕێژانی بواری فهرههنگ و هونهر دهبێ سهرنج بدهینه ئهم خاڵه که ناتوانین بهو زمانهی که لهگهڵ منداڵانی دهیهی 60 قسهمان پێ دهکرد، لهگهڵ منداڵانی ئهمڕۆ قسه بکهین، لهبهر ئهوهی که لهگهڵ نهوهیهکی نوێخواز، بیرتیژ و زیرهک و بهئاگا بهرهوڕووین که پێویستی به ناوهرۆکی شیاوی وێنهیی ههیه.
ههروهها راگهیاند: له فیستیڤاڵی فیلمهکانی منداڵان و مێرمنداڵانی ئێران لهگهڵ ئهو بهردهنگانه بهرهوڕووین که دهبێ به کهرسته و زمانی کهشوههواکانی بهپێی وێب ئهوان له بهرنامهکان و رووداوهکانی فێستیڤاڵ ئاگادار بکرێنهوه. فێستیڤاڵهکان له سهدهیهی 21 گۆڕانکارییان تێدا کراوه و پێشکهوتوو بوونه و دهبێ بابهت گهلێکی کاریگهری دانهر لهم فێستیڤاڵانهدا باسی لێوه بکرێت.
دهبیر و بهرپرسی فیستیڤاڵی نێونهتهوهیی فیلمهکانی منداڵان و مێرمنداڵان به دهربڕینی ئهوهی که ئهمساڵ بانگهێشتنمان له چالاکانی دۆزینهوهی بازاڕی سینهمای منداڵ و مێرمنداڵ کردووه که لهم فێستیڤاڵهدا ئاماده بن، روونیکردهوه: له خولهکانی رابردووی فێستیڤاڵدا، کهمتر سهرنج درابوویه بهشداری چالاکانی بهرپرسی دۆزینهوهی بازاڕی سینهما، بهڵام ئهمساڵ نه تهنیا بڵاوکهرهوهکانی ئێرانی بهڵکوو چالاکانی بهرپرسی دۆزینهوهی بازاڕی سینهمای وڵاتانی دیکه و کڕیارانی ناوچهیی بانگهێشت دهکهین بۆ ئهوهی که لهم فێستیڤاڵهدا بهشداری بکهن.
تابێش له وڵامی یهکێک له هونهرمهندانی خاوهن پێداویستی تایبهت، روانگهی فێستیڤاڵی بۆ کهسانی خاوهن پێداویستی تایبهت و کهم ئهندام شیکردهوه و جهختی لهوه کردهوه: یهکێک له روانگهکانی ئهم فێستیڤاڵه پاڵپشتی کردن له کهم ئهندامان و کهسانی خاوهن پێداویستی تایبهتی جهستهییه. ساڵی رابردوو لهم فێستیڤاڵهدا بهشێک به منداڵانی کارکهر و ئهو منداڵانهی که بارودۆخی تایبهتیان ههیه تهرخان درا و له فێستیڤاڵی ئهمساڵیشدا وهها روانگهیهک گهشهی پێدهدهین.
دهبیر و بهرپرسی ئهم فیستیڤاڵهدا گوتی: ئهمساڵ به لهبهر چاوگرتنی ئهوهی که فیلمهکانی فێستیڤاڵ هاوکات لهگهڵ ئیسفههان له سهرتاسهری وڵاتی ئێران نمایش دهکرێن، بێجگه لهوهی که سینهماکان دهتوانن بهردهنگهکانی خۆیان له کۆی کهم ئهندامان، کهسانی خاوهن پێداویستی تایبهت، منداڵانی کارکهر و یان چین و توێژی ههژاری کۆمهڵگا ههڵبژێرن، ئێمهش ئهم ههله به بهردهنگهکانی فێستیڤاڵی سی و دووههم دهدهین که له دوای بینینی فیلمهکان، له ڕاپرسی گشتیدا بهشداری بکهن و بیروڕای خۆیان سهبارهت بهو فیلمهی که پێیان خۆش بووه، دهرببڕن. بێ گومان ئهم بیر و بۆچوونانه بۆ سیاسهتداڕێژان و چالاکانی بواری سینهمای منداڵ و مێرمنداڵ، بیرۆکه خولقێنه و رێگا دهکاتهوه.
له کۆتایی ئهم کۆبوونهوهیهدا لهل لایهن “عهلیڕهزا تابێش” دهبیر و بهرپرسی سی و دووهەمین خولی فیستیڤاڵی نێونهتهوهیی فیلمهکانی منداڵان و مێرمنداڵانی ئێران و “ئیمان حوجهتی” بهڕێوهبهری جێبهجێکاری فێستیڤاڵهکه له ئیسفههان، له تێکۆشان و زهحمهتهکانی بهڕێوهبهری جێبهجێکار و جێگری یهکهمی ئهو له خولی رابردووی فیستیڤاڵی فیلمهکانی منداڵان و مێرمنداڵان قهدرناسی کرا و رێزیان لێ گیرا.
سی و دووهەمین خولی فیستیڤاڵی نێونهتهوهیی فیلمهکانی منداڵان و مێرمنداڵانی ئێران ICFF لە رۆژانی 28ی گهلاوێژ تا 4ی خهرمانانی 1398ی ههتاوی رێکهوتی 19 تا 26ی ئۆگۆستی 2019ی زایینی له دوو بهشی “نهتهوهیی” و “نێونهتهوهیی”دا بە بەرپرسیاریی “عەلیڕەزا تابێش” لە شاری مێژوویی ئیسفەهان لە وڵاتی ئێران بەڕێوەدەچێت.
بۆ زانیاریی زیاتر:
ڕاگهیاندنی گشتیی فیستیڤاڵی نێونهتهوهیی فیلمهکانی منداڵان و مێرمنداڵانی ئیسفەهان.
