زانا گه‌ڵاڵی: مه‌ڵبه‌ندی هونه‌ری ماملێ خه‌لاتی 2012 به‌خشی به‌هونه‌رمه‌ند عه‌زیز شارۆخی
خه‌ڵاتی مه‌ڵبه‌ندی هونه‌ری ماملێ وه‌ک نه‌ریتێک هه‌موو ساڵێك ده‌به‌خشرێته‌یه‌کێک له‌هونه‌رمه‌نده‌کان که‌خزمه‌تێکی دیاری به‌هونه‌ری کوردی کردبێت، له‌و چوارچێوه‌یه‌شدا خه‌ڵاتی ساڵی 2012 به‌خشرایه‌هونه‌رمه‌ند عزیز شارۆخی.
به‌گوێره‌ی راگه‌یاندراوێكی مه‌ڵبه‌ندی هونه‌ری ماملێ، کۆمیته‌ی به‌ربژێرکه‌ری مه‌ڵبه‌نده‌كه‌پاش هه‌ڵسه‌نگاندنی هونه‌رمه‌نده‌پێشنیازکراوه‌کان، بڕیاریدا خه‌ڵاتی ماملێ بۆ ساڵی 2012 پێشکه‌ش به‌مامۆستا عزیز شارۆخی بکرێت.
له‌راگه‌یاندراوه‌كه‌دا هاتووه: مامۆستا شارۆخی له‌پێناو پاراستن و په‌ره‌سه‌ندنی هونه‌رو فۆلکلۆری کوردی، ساڵانێکی زۆری ته‌مه‌نی خۆی به‌ختکردووه، له‌پاڵ ئه‌و خزمه‌ته‌ی که‌کردوویه‌تی، هه‌وڵی ئه‌وه‌شیداوه‌که‌ته‌نیا وه‌ک گۆرانیبێژێکی سۆرانی بێژ به‌رهه‌م تۆمار نه‌کات، به‌ڵکو شێوه‌زاره‌کانی دیکه‌شی به‌سه‌ر کردووه‌ته‌وه.
هه‌رچه‌نده‌ساڵانه، له‌كاتی به‌خشینی خه‌ڵاتی مه‌ڵبه‌ندی هونه‌ری ماملێ، رێوڕه‌سمێکی تایبه‌ت به‌به‌شداری ژماره‌یه‌کی به‌رچاو له‌هونه‌رمه‌ندان و شاعیران رێكده‌خرێت، به‌ڵام وه‌ك له‌راگه‌یاندراوه‌كه‌دا هاتووه: ئه‌مساڵ به‌هۆی ئه‌وه‌ی که‌موکریانی کوردستان ره‌شپۆشی شیناوێی خنجیلانه‌ی گیانبه‌خته، مه‌ڵبه‌ند بڕیاریدا هیچ جه‌ژن و کۆڕێکی شادی رێک نه‌خرێ و خه‌ڵاتی ماملێ له‌وپه‌ڕی بێده‌نگی و شینی شیاوی شیناوێ پێشکه‌ش بكرێت.
شایه‌نی باسه‌خه‌ڵاته‌كه‌به‌نوێنه‌رایه‌تی مه‌ڵبه‌ندی هونه‌ری ماملێ له‌لایه‌ن یای ئامین ماملێ (ئامه) پێشکه‌ش به‌هونه‌رمه‌ند عه‌زیز شارۆخی کرا
