عەمار کوفی: دەمزانی دەردەکرێم

عه‌مار كوڤی‌، تاقه‌ گه‌نجه‌ كورده‌كه‌ی‌ ناو ئه‌ره‌ب ئایدڵ‌ رایگه‌یاند له‌سه‌ر ناوی‌ پێشمه‌رگه‌ ده‌ركرام، چونكه‌ پێش ئه‌وه‌ی‌ ئه‌و مه‌قامه‌ بڵێم له‌لایه‌ن mbc ئاگادار كرامه‌وه‌ ئه‌و مه‌قامه‌ نه‌ڵێم.

عه‌مار كوڤی‌، رایگه‌یاند:”پێش ئه‌وه‌ی‌ گۆرانی‌ (من خه‌م ده‌ریا) بڵێم %70 ده‌مزانی‌ كه‌ ده‌رده‌كرێم، چونكه‌ پێش ئه‌وه‌ ئاگاداریه‌كم بۆ هات له‌ كه‌ناڵی‌ mbc پێیان وتم ئه‌و مه‌قامه‌ مه‌ڵێ‌، من وتم هه‌ر ده‌یڵێم”.

وتیشی‌:”بۆ من زۆر ناخۆش و شه‌رمه‌زاری‌ بوو له‌ به‌رنامه‌كه‌ بێمه‌ ده‌ره‌وه‌ و گۆرانی‌ بۆ پێشمه‌رگه‌ نه‌ڵێم، ویستم به‌و گۆرانییه‌ دڵی‌ خه‌ڵكی‌ وڵاتی‌ خۆم خۆش بكه‌م، چونكه‌ وڵاتی‌ من برینداره‌ و زۆر شه‌هیدی‌ داوه‌”.

ئه‌وه‌شی‌ خسته‌ڕوو:”ئه‌گه‌ر ئه‌و گۆرانییه‌م بۆ پێشمه‌رگه‌ نه‌وتایه‌، به‌دڵنیایه‌وه‌ یه‌كه‌م ده‌بووم،په‌شیمانیش نیم،چونكه‌ قوربانیم بۆ وڵاته‌كه‌مدا”.

عه‌مار كوڤی‌،ئاماژه‌ی‌ به‌وه‌ش كرد:”به‌رنامه‌یه‌ك ناوی‌ ئه‌ره‌ب ئایدڵ‌ بێت، زۆر زه‌حمه‌ته‌ بتكه‌نه‌ ئایدڵ‌، چونكه‌ یاسای‌ ئه‌وان عه‌ره‌ب ئایدڵه‌”.