خه‌ونی ئه‌رده‌لان به‌کر دێته‌ دی

ئه‌رده‌لان به‌کری جوانه‌مه‌رگ یه‌کێک له‌ ئاواته‌کانی ئه‌مڕۆ هاته‌ دی. زۆر حه‌زی ده‌کرد گۆرانی برای هه‌مان ڕێچکه‌ی خۆی بگرێت و بێته‌ نێو دونیای هونه‌ره‌وه‌. ئه‌رده‌لان زۆر هانده‌ری بوو،  هه‌رچه‌نده‌ گۆران چه‌ند گۆرانیه‌کی تۆمار کردووه‌ و بڵاوی نه‌کردۆته‌وه‌ به‌ڵام ئه‌مه‌ ده‌بێت به‌ یه‌که‌م کاری بڵاوکراوه‌ی گۆران و هاوکات له‌گه‌ڵ چله‌ی هونه‌رمه‌ندی جوانه‌مه‌رگ ده‌یخاته‌ به‌ر گوێی بیسه‌ران . کاتێک گوێبیستی ده‌نگی گۆران به‌کر ده‌بیت هه‌ست ده‌که‌یت ئه‌رده‌لان له‌گڵماندایه‌.

 گۆرانی خه‌ونت ئارام  ئاوازو ووتنی گۆران به‌کر،  هۆنراوه‌ی کانی هه‌ڵه‌بجه‌یی و گۆران به‌کره‌، دابه‌شکردنی موزیک له‌لایه‌ن دیده‌نه‌وه‌ بۆی کراوه‌، عیماد شاکوری به‌ ئامێری قانوون به‌شداری له‌م به‌رهه‌مه‌ کردووه‌.