هەولێر/زریان خەتاب : هونەرمەندی لاو محەمەد عەبدولمەجید لەدواین کاری هونەری خۆی کۆتای بە گۆرانی بمبورن هێناو،لەچەند رۆژی رابردروو لەلایەن ستافێکی گەنجی بەرهەمهێنانی هونەری کاری ڤیدیۆکلیپی بۆئەنجامداو وابریارە بەم نزیکانە بڵاوبکرێتەوە
لەلێدوانێکیدا هونەرمەند محەمەد عەبدولمەجید وتی:خۆشبەختانە کۆتایم بەدواین کاری هونەری خۆمهێنا،کەبەرهەمهێنان و کلیپکردنی گۆرانی (بمبورن)ە،وتیشی:گۆرانیەکە لەهۆنراوەی گۆران رواندزی و زامدار زرارە و ئاواز و دابەشکردنی هی خۆمە.سەبارەت بە کاری ڤیدیۆکلیپەکەش محەمەد عەبدولمەجید وتی:لەچەند رۆژی رابردوو بەشێوەیەکی سەردەمیانە و بە ئامێری پرۆفیشناڵی بەرهەمهێنانی ڤیدیۆ کلیپ لەلایەن خالید محەمەد کاری دەرهێنان و وێنەگرتن لەچەند لۆکێشنێکی جیاواز بۆکلیپەکەم کراو،لەئێستاشدا ئەو کلیپەم لەقۆناغی مۆنتاژدایە کە لەلایەن دڵدار جاف کاری بۆنتاژی بۆ ئەنجامدەدرێت،لەکۆتایشدا محەمەد عەبدولمەجید وتی:هیوادارم ئەو بەرهەمەم بەدڵی گوێگران و بینەران بێت و توانیبم خزمەتێکی بچوک بە هونەری کوردی بکەم.
