زه‌كه‌ریا ژماره‌یه‌كی پێوانه‌یی تۆمار ده‌كات

زۆربه‌ی هونه‌رمه‌ند و كه‌سایه‌تییه‌ رۆشنبیر و نووسه‌ره‌كانی كورد وه‌ك هاوشێوه‌كانیان له‌جیهاندا خاوه‌ن په‌یجی تایبه‌تی خۆیانن له‌سه‌ر تۆڕی كۆمه‌ڵایه‌تی فایسبووك.
هونه‌رمه‌ند زه‌كه‌ریاش یه‌كێكه‌ له‌و هونه‌ر‌مه‌ندو كه‌سایه‌تییه‌ دیارانه‌ی كه‌ په‌یجێكی تایبه‌ت به‌ خۆی هه‌یه‌و تێیدا دوایین هه‌واڵ و چالاكی هونه‌ری خۆی تێدا بڵاو ده‌كاته‌وه‌، بۆیه‌ ژماره‌ی هاوڕێكانی رۆژ دوای رۆژ له‌ زیادبووندایه‌و له‌ سه‌د هه‌زار كه‌س تێپه‌ڕی كردووه‌ و تا ئێستا هیچ هونه‌رمه‌ندێكی كورد له‌هه‌رێمی كوردستان ئه‌وه‌نده‌ هاوڕێیه‌ی نه‌بووه‌ و ده‌كرێ به‌ ‌ ژماره‌یه‌كی پێوانه‌یی دابنرێت.

به‌پێی دوایین زانیاری ژماره‌ی هاوڕێیانی هونه‌رمه‌ند زه‌كه‌ریا له‌سه‌ر په‌یجی تایبه‌تی خۆی گه‌یشتۆته‌   103.000كه‌س ئه‌مه‌ش به‌ ژماره‌یه‌كی پێوانه‌یی داده‌نرێت له‌نێو په‌یجه‌ تایبه‌ته‌كانی كه‌سایه‌تییه‌ هونه‌ری و رۆشنبیرییه‌كانی كورد كه‌ تا ئێستا تۆمار كرابێت.