مەسعودی مەلا ھەمزە : لەنوێترین کاری خۆیاندا، تیپی نواندنی ھەولێر بە ھاوکاری بەڕێوەبەرایەتی شانۆی ھەولێر شانۆگەری شەوی لەدایکبوون نمایش دەکا.
شانۆگەری شەوی لەدایکبوون لە نووسینی مەھتابی مەلا عوسمان و دەرھێنانی ئومێد تەحسین شەعبان و دراماتۆرگی موحسین محەمەدە، ھەریەک لە “دلڤین موحسین، ھێرۆ مەولودی، رووپاک عەبدولقادر” وەک ئەکتەری سەرەکی لە نمایشەکە بەشدارن.
ئومێد تەحسین شەعبان لە لێدوانێکدا وتی”لەنوێترین کاری ھونەری خۆمانداو لە بەرھەمی تیپی نواندنی ھەولێر شانۆگەری شەوی لەدایکبوون نمایش دەکەین”.
ئومێد وتیشی”ئەم شانۆگەرییە لە کاتژمێر ٦ی ئێوارەی رۆژانی ٢٧و٢٨/٦/٢٠١١ لە ھۆڵی گەلی شاری ھەولێر نمایش دەکرێ”.
