نەمامێکی نوێ

عەلی حەمەڕەشید بەرزنجی

وا شەش ساڵی تـــــەواوە

لــــەم قوتابخانەیە دام

دڵگیر و خـــــۆشەویستە

ئـــای چەند شیرینە لەلام

…

ھەر کە  چوومە پۆلی یەک

لـــە باخچەی قوتابخانە

نەمــــــامێکــم ڕواند و

وەک ھـــاوڕێم بوو ڕۆژانە

…

ئێستا ئەویش شەش سـاڵە

باخچەکەی جـوان کـردووە

ناوی منی لـــــەسـەرە و

وێنەم لــەلا گـــــرتووە

…

ئـــەمســاڵ ئێرە جێدێڵم

بــۆ پۆلی حـەوتەم دەڕۆم

لـــەوێش نەمـامێکی نوێ

دەڕوێنم  بـــەدەستی خـۆم

…

٢١/١/٢٠٢٠