من و مه‌رگ و ژیان

به‌ندی عه‌لی .. 2012

میوانێکی بێ شه‌رمه‌ ، مه‌رگ

نه‌له‌ده‌رگا ئه‌دا ، که‌دێ

نه‌پرسی مۆڵه‌ت ئه‌کا له‌خاوه‌ن ماڵ

نه‌گوێ له‌پاڕانه‌وه‌ی که‌سیش ئه‌گرێ

بۆیه‌ منیش قه‌ت بیری لێ ناکه‌مه‌وه‌

که‌ی دێ ، با بێ

بێ منه‌ت بێ

……………

ئه‌وه‌نده‌ی تر

ئه‌گه‌ر دژ بی له‌گه‌ڵما

ئه‌وه‌نده‌ی ژه‌قنه‌بووت تاڵ و

ژانی خه‌نجه‌ریش ، به‌سوێ

ده‌ست له‌یه‌خه‌ت هه‌ڵناگرم

ئه‌ی ژیان

ئه‌گه‌ر ڕه‌قتر بی له‌به‌ردو

قورستر له‌باره‌ خوێ

چون له‌ته‌کێی سنگی منا

دڵ ، سۆفیه‌کی ماخۆلانه‌و

ده‌ف ئه‌ژه‌نێ .. بۆ ژنێ