فیلمی سینەمایی کوێستانی قەندیل سەرەتای پاییز نمایش دەکرێت

فیلمی سینەمایی کوێستانی قەندیل لە دەرهێنانی هونەرمەند تەها کەریمی و بەرهەمی بەرێوەبەرایەتی هونەری سەرەتای پاییز لە شارەکانی هەرێمی کوردستان نمایش دەکرێت.  فیلمی سینەمایی کوێستانی قەندیل قۆناغی مۆنتاژی تەواوو بووە و ئێستا لە لایەن ئاوازدانەری ئێرانی فەدرین خەلعەتبەرییەوە مۆسیقای بۆ دورست دەکرێت و دوای تەواو بوونی کارەکانی لە شارەکانی سلێمانی و هەولێر نمایش دەکرێت.

فیلمی کوێستانی قەندیل بە بەشداری چەندین ئەکتەر لە هەر باکور و باشور و رۆژهەڵاتی کوردستان و چەندین ئەکتەری عەرەب و تورک و فارس چیرۆکی  پێکەوە ژیان و بەریەککەوتنی چوار نەتەوەی کورد و فارس و تورک و عەرەب لە کوێستانی قەندیل دەگێرێتەوە.

کامێرا لە چاوی عاشقانەی سێ کەسایەتی (رەسوڵ فرمێسک، عەینەدین دەف و شەماڵی دۆعا) بۆ ونبووەکانی خۆیان و چوار نەتەوەی دراوسێ  دەگەرێت.

بریار وایە هاوکات لە گەڵ نمایشی فیلمی کوێستانی قەندیل سیناریوی چاپکراوی فیلمەکە و چوار کورتە فیلمی پێشووی هونەرمەند کە لە لایەن چاپخانەی رەنجەوە ئامادە دەکرێت بکەوێتە بەر دیدەی بینەران و خوێنەران.